Doarjjaortnega mihttomearri:
Eanet doaibmabijut sámi musihka ovdanbuktima várás
Doarjjaortnega olahusjoavku:
Sámi musihka almmuheaddjit: lágádusat/ skearrofitnodagat/ registrerejuvvon doaimmahagat
Ulbmilolahusa eavttut:
Sámi musihka almmuhemiid lohku
Vuoruheamit 2009:s:
• CD- almmuheamit musihkain mánáid várás
• CD- almmuheamit máttasámi musihkas
• CD- almmuheamit árbevirolaš juoigamiin
• CD- almmuheamit oskuvaš teavsttaiguin
Juolludaneavttut:
• Ohcanáigemearri cuoŋománu 1. b. 2009. Ohcamat sáddejuvvon dien beaivvi maŋŋá, eai meannuduvvo
• Ohcamat fertejit gullat Sámedikki 2009 vuoruhemiide
• Ohcama árvvoštallamii lea deaŧalaš ahte dásseárvoperspektiiva árvvoštallojuvvo
• Sámedikki ohcanskovvi ortnega várás galgá geavahuvvot
• Doarjjaoažžu ferte 3 vahku siste maŋŋá doarjjareivve beaivádeami čálalaččat dohkkehit doarjjaeavttuid. Jus áigemearri ii dollojuvvo, de manahuvvo doarjja almmá ovddalgihtii dieđiheami haga
• Galgá ráhkaduvvot prošeaktaválddahallan mii máinnaša mo prošeavtta ovdáneapmi čatnasa guovddáš dáhpáhusaide ja man muddui prošeakta lea čađahahtti. CD-almmuhemiid oktavuođas galget 5 demo gáhppálaga mielddistuvvot.
• Oassin ohcamiid áššemeannudeamis bivdit olggobeale konsuleanttaid árvvoštallat ohcamiid
• CD-almmuhemiid oktavuođas galget 10 gáhppálaga gárvvistuvvon CDas sáddejuvvot Sámediggái
• Ii addojuvvo šat eanet doarjja namuhuvvon buvttadeapmái dahje vejolaš liigegoluide
• Ii addojuvvo doarjja investeremiidda
Máksineavttut:
• 50 % máksojuvvo go prošeakta álggahuvvo. Loahppa 50 % máksojuvvo go prošeakta lea čađahuvvon, golut leat duođaštuvvon ja prošeaktaraporta lea čállojuvvon
• Prošeakta galgá álggahuvvot dan bušeahttajagi go doarjja juolluduvvo ja válbmejuvvot maŋimusat 2 jagi maŋŋá dorjjareivve beaivádeami. Jus prošeakta ii leat válbmejuvvon áigemearis, de manahuvvo doarjja almmá ovddalgihtii dieđiheami haga
• Doarjjaoažžu galgá sáddet rehketdoalu ja raportta mii čájeha mo ruđat leat geavahuvvon. Jus doarjja lea badjel 150 000 ru, de galgá registrerejuvvon dahje stáhtafápmuduvvon rehketdoallodárkkisteaddji duođaštit rehketdoalu mii čájeha mo ruđat leat geavahuvvon. Rehketdoalu galgá sáhttit buohtastahttit dohkkehuvvon gollomeroštallamiin.
Muđui gustojit dat njuolggadusat maid Sámediggi lea mearridan áššis 43/07 Daid doarjagiid hálddašeami ođasmahttin maid Sámedikkis sáhttá ohcat.
Meroštallannjuolggadusat:
Doarjaga sturrodat rehkenastojuvvo vuođustuvvon ohcama vuođul.
Jahkái 2009 várrejuvvo 1 900 000 ru doarjjan sámi musihkkaalmmuhemiide.
Ortnega hálddaša Sámedikki doarjjastivra.