Láhka Sámedikki ja eará sámi vuoigatvuođaid birra (sámeláhka), § 2-6, addá Sámediggái válddi mieđihit jienastuslogu geavaheapmái. Mii bidjat čuovvovaš eavttu máŋgosa sáddemii, geahča Láhkaásahusa válgga birra Sámediggái § 12:
(1) Buohkain, geat bidjet listta válgii, lea vuoigatuohta nuvttá oažžut gáhppálaga sámi jienastuslogus. Jienastuslohkogáhppálagaid galgá dáhttut Sámedikkis dan áigemearis, maid Sámediggi lea mearridan.
(2) Evttoheaddjit sáhttet oažžut eambbo jienastuslohkogáhppálagaid ja maiddái dihto jienasteaddjijoavkkuid logahallamiid, jus sii ieža mákset liigegoluid.
(3) Jienastuslogu nubbehusčállosat ja vejolaš eará ávdnasat, mat vuođđuduvvet sámi jienastuslohkui, sáhttet geavahuvvot dušše politihkalaš ulbmiliidda eaige galgga addojuvvot buigaolbmuide jus dat eai galgga geavahuvvot politihkalaš oalgguhusaide. Ii leat lohpi ovttastit sámi jienastuslogu eará almmolaš registariiguin.
(4) Sámediggi galgá diehtit geaidda lea sádden jieanastuslohkogáhppálagaid ja galgá fuolahit ahte buot gáhppálagat máhcahuvvojit Sámediggái ovdalgo guokte jagi leat vássán.
Mii deattuhit ahte dieđut dan birra lea go olmmoš sápmelaš vai sámesogas, leat guovttigaskasaš persovdnadieđut, ja ahte jienastuslogu máŋgosa ferte dan vuođul gieđahallat.