Sámi aviisa Ságat lea dieđihan ahte sii golggotmánu 1. beaivvi rájes šaddet beaivválaš aviisan go almmuhišgohtet aviissa viđa geardde vahkus. Borgemánu 12. rájes lea maid Ávvir doaibman beaivválaš aviisan go almmuhišgohte viđa geardde vahkus.
- Viimmat leat mis guokte sámi beaivválaš aviissa. Dát lea dehálaš demokráhtalaš ságastallamiid lahčimis, oaiviliidovdanbuktimis ja giellaovdáneapmái sámi servvodagas, lohka ráđđelahttu Vibeke Larsen.