Sámediggeráđđi registrere ahte raporta dadjá ahte dat mánát geat ledje Finnmárkku mánáidruovttuin dien áiggi, eai beassan dikšut sámi gielaset ja kultuvrraset orudettiin mánáidruovttuin. Dát rihkku čielgasit daid vuoigatvuođaid, mat sámi mánáin leat iežaset gillii ja kultuvrii riikkalaš lágaid ja riikkaidgaskasaš konvenšuvnnaid bokte.
Sámediggeráđđi bargá dál árjjalaččat, konsultašuvnnaid bokte, sihkkarastit ahte dat sámi mánát geat leat mánáidsuodjalusa fuolahusas, ožžot ollašuhttojuvvot vuoigatvuođaideaset iežaset kulturvii ja gilii go leat mánáidsuodjalusásahusain ja sadjásašruovttuin. Dán barggus lea deaŧalaš sihkkarastit buriid bearráigeahččanortnegiid vai fuolahuvvo daid mánáid sámi giella ja kultuvra, geat leat mánáidsuodjalusa fuolahusas.