Doarjja válgasearvamii
Doarjjaortnega ulbmil:
- Vejolašvuohta listtaide searvat sámediggeválgii
Doarjjaortnega olahusjoavku:
- Dat listaevttohusat maid Sámedikki válgalávdegoddi dohkkeha sámediggeválgga láhkaásahusa § 32 mielde, mii lea mearriduvvon juovlamánu 19. b. 2008-mannosaš gonagaslaš resolušuvnnain
Ulbmilolahusa eavttut:
- Listaevttohusaid lohku sámediggeválggas
Juolludaneavttut:
- Doarjja máksojuvvo dan bušeahttajagi go dat juolluduvvo. Máksinávžžuhus galgá leat ovddiduvvon ovdal borgemánu 10. b. 2009
- Doarjja máksojuvvo oktanaga
- Bellodagat dahje organisašuvnnat mat bidjet listtaid guovtti dahje eanet válgabiirriin, galget sáddet oktasaš mákšinávžžuhusa buot iežaset listtaid ovddas
Meroštallannjuolggadusat:
- Doarjja máksojuvvo luohtta dohkkehuvvon listtaid gaskka
Jagis 2009 várrejuvvo 2 000 000 ru ulbmilii.
Sámedikki doarjjaortnet sámi politihkalaš bellodagaide 2009:s
Ortnega ulbmilin lea bisuhit ja ovddidit sámepolitihkalaš bellodagaid. Doarjjaortnega ulbmiljoavkun leat registrerejuvvon sámepolitihkalaš bellodagat. Dán ortnega hálddaša Sámedikki doarjjastivra. Eaktun juolludeapmái lea ahte organisašuvdna lea sámepolitihkalaš bellodat mas lea čielga sámi ulbmilparagráfa ja mii lea registrerejuvvon Brønnøysund bellodatregistaris.
Dál gáibiduvvojit 5000 vuolláičállosa registreremii dán registarii. Dán registarii ii dárbbaš registreret jos áigu bidjat listta sámediggeválgii, muhto jos galgá oažžut doarjaga dán ortnegis de ferte leat registrerejuvvon doppe. Sámedikkis ii leat makkárge váikkuhanvejolašvuohta dasa mii gáibiduvvo go galgá registrerejuvvot Brønnøysund bellodatregistaris ja 5000 vuolláičállosa eai gáibiduvvo Sámedikki jienastuslogu vuođul, muhto Norgga dábálaš álbmotregistara vuođul.
Eanet dieđut