Sámedikki válgalávdegoddi

Sámediggeválgga láhkaásahusa mielde galgá Sámediggi nammadit válgalávdegotti mas lea ovddasvástádus sámediggeválgii ráhkkaneames ja čađaheames. Sámedikki válgalávdegottis galget leat unnimusat vihtta lahtu ja várrelahtu. Lahtut ja várrelahtut galget leat sápmelaččat geain lea jienastanvuoigatvuohta sámediggeválggain. Válgalávdegotti árvalus mearriduvvui ovttajienalaččat dievasčoahkkimis.

Čuovvovaččat leat nammaduvvon lahttun ja persuvnnalaš várrelahttun Sámedikki válgalávdegoddái:

 Lahtut:

1. Magnhild Mathisen

2. Johan Mikkel Sara

3. Brita Kåven

4. Ing-Lill Pavall

5. Jan Erik Henriksen

 

 Persuvnnalaš várrelahtut:

1. Margretha Påve Kristiansen

2. Sten Jønsson

3. Klemet Ingolf Kildedam

4. Turid Westerheim

5. Jarle Jonassen

 

Sámedikki válgalávdegotti bargun lea earret eará dohkkehit registrerenohcamiid sámepolitihkalaš organisašuvdnan, dohkkehit dieđáhusaid main leat áigeguovdilis dieđut mat bohtet dain organisašuvnnain mat juo leat registrerejuvvon, dohkkehit nammarievdadusaid ja meannudit listaevttohusaid mat bohtet organisašuvnnain mat háliidit searvat sámediggeválgii.