- Go mii diehtit movt ekologalaš dilli miehtá rittu lea vearránan maŋimuš logijagiin, ja man garrasit dát lea váikkuhan earret eará riddodorskebivdui ja dieinna lágiin riddoservodahkii, de lea seamma go resurssaiguin speallan álggahit šákšabivddu dál, dadjá Sámedikki várrepresideanta Marianne Balto.
Sámediggi vuostálasttii šákšabivddu rahpama norgalaš-ruoššalaš guolástuskommišuvnnas, muhto ii ožžon doarjaga nugo eai earáge delegáhtat geat maiddái vuostálaste bivddu álggaheami. Ii sáhte diehtit makkár váikkuhusat bivddus šaddet, muhto lea hui nana sivva jáhkkit ahte šávššaid geažil dat dál lea ollu earret eará dorski, diksu, sáidi ja luossa.
- Ohpihii lea báikkálaš máhtolašvuohta náli birra vuonain badjelgehččojuvvon, go bivdoearit mearriduvvojit. Šákšabivddu ii galgga rahpat ovdalgo mii diehtit eanet makkár váikkuhusat das leat ekovuogádahkii vuonain ja miehtá rittu. Go liikká čielga váruhusaid dihte orru šaddamin bivdu, de ferte dat čađahuvvot dainna eavttuin ahte dat manná riddofatnasiidda ja geavahuvvo dušše mannui, dadjá várrepresideanta Marianne Balto loahpas.