Gulahallanossodat galgá sihkkarastit Sámediggái profešunealla gulahallanfágalaš gelbbolašvuođa jođihan- ja strategiijaproseassain, mediagieđahallamiin, digitála ja árbevirolaš kanálaid ja mediaid plánemiin ja buvttademiin, heahtediehtojuohkimiin, ráđđeaddimiin ja muđui eará vehkiin.
Gulahallandirektevrra guovddáš barggut ja ovddasvástádussuorggit leat ovddidit strategiijaid, doaibmat media ja servodaga oktavuođaolmmožin, ovddidit siskkáldas ja olgguldas gulahallanpolitihka, ovddidit organisašuvnna ja čuovvolit bargiid. Gulahallandirektevrras lea ovddasvástádus ossodaga bohtosiidda, bušehttii ja bargiide. Gulahallandirektevra šaddá oassin hálddahusa jođiheaddjijoavkkus.
Virgái háliidit olbmo geas lea unnimusat 3 jagi guoskevaš alit oahppu universitehtas dahje allaskuvllas ja guoskevaš bargoduogáš. Ohccis ferte leat diehtu sámi servodagas ja máhtolašvuohta politihka ja mearridanproseassaid birra. Lassin deattuhit buriid ovttasbargonávccaid, buriid jođihanattáldagaid ja máhtu olahit bohtosiid ovttasráđiid earáiguin. Son gii biddjo virgái ferte hálddašit davviriikkalaš giela, sámegiela ja eŋgelasgiela.
Sámedikki hálddahus galgá nu bures go vejolaš speadjalastit álbmoga máŋggabealatvuođa. Mis lea bargiidpolitihkalaš mihttomearrin dássedis ahke- ja sohkabealčoahkadus, ja rekruteret olbmuid geain lea minoritehta- ja álgoálbmotduogáš. Bargosadji sáhttá dárbbu mielde heivehuvvot doaimmashehttejuvvon olbmuide.
Bargosadji lea Kárášjohka.
Virgi lea biddjon virgekodii 1060 Ossodatdirektevra, bc.70-80. Bálkkás gessojuvvo 2% Stáhta penšuvdnakássii. Álgin farggamusat.
Eanet dieđuid virggis oaččut Sámedikki direktevrra Rune Fjellheim bokte, tel. 784 74 040 / mob. 91009320, dahje Bedriftskompetanse VINN senorráđđeaddi Nina Kivijervi Jonassen bokte, mobil 971 66647.
Buot oktavuođat ja ohcamat meannuduvvojit oskkáldasvuođain. Mii eat váldde oktavuođa referánssaiguin ovdal go leat ovdalgihtii šiehttan. Ohcan oktan CV:in sáddejuvvo elektrovnnalaččat www.bedriftskompetanse.no bokte. Duođaštuvvon skuvla- ja bargoduođaštusaid máŋgosat sáddejuvvojit:: Sámediggi - Sametinget, Ávjuvárgeaidnu 50, 9730 Kárášjohka - Karasjok.
Ohcanáigemearri: guovvamánu 1. b. 2009.