PRD: Sámedikki doarjjastivra: 2,8 miljon ru duodjái

Sámedikki doarjjastivra attii lohpádussan buohkanassii 2,8 miljon ru duodjái čoahkkimisttis skábmamánu 4. b. Earret eará addojuvvui 1 miljon ru Boazodoalu oahpahuskantuvrii ásahit fidnooahppiortnega duojis ja 0,5 miljon ru Duodjeinstituhttii bagadanbálvalussii duojis.

- Dát juolludeapmi čuovvu Sámedikki áigumuša ahte nannet duoji ealáhussan, dadjá Doarjjastivrra jođiheaddji Ann-Mari Thomassen

- Fidnooahppiortnet buorida rekruterema fidnui, maiddái eanetlohkoguovlluid olggobealde, ja bagadanbálvalus nanne duojáriid vejolašvuođa šaddat árjjalaš ealáhusdoallin, loahpaha Thomassen.

Fiillat