- Mii leat duhtavaččat dainna ahte buot bealit leat gergosat joatkit Davviriikalaš sámekonvenšuvnna dehálaš bargguin, lohka Suoma Sámedikki presideanta Klemetti Näkkäläjärvi, Norgga Sámedikki presideanta Egil Olli ja Ruoŧa Sámedikki presideanta Lars Anders Baer.
Áššedovdijoavku man professora ja ovddeš Alimusrievttijustitiarius Carsten Smith jođiha bijai skábmamánu 2005 ovdan Davviriikalaš sámekonvenšuvdna evttohusa. Áigumuš dákkár konvenšuvnnain lea sihkkarastet sámi álbmoga rivttiid nu ahte riikarájit leat unnimus lági mielde hehttehussan. Evttohus lea leamašan viidát gulaskuddamis ovttaskas riikain.
- Dál lea dehálaš farggamusat čielggadit movt šiehtadallamat galget čađahuvvot vai beassat álggahit duohta šiehtadallamiid sámekonvenšuvnnaevttohusa birra, loahpahit Suoma, Norgga ja Ruoŧa sámediggepresideanttat.
Gulahallanolbmot:
- Suoma Sámedikki presideanta Klemetti Näkkäläjärvi ,tlf. +358 50 524 2109
- Norgga Sámedikki presideanta Egil Olli ,tlf. +47 900 26 880
- Ruoŧa Sámedikki presieanta Lars Anders Baer, tlf. +46 703 162 056