- Mii illudit go beassat leat mielde juohkimin Gollegiela Henrik Barrukii ja Sámi siidii, geat leat máŋga jagi bargan áŋgirit sámegiela nannemiin, dadjet Klemetti Näkkäläjärvi, Suoma bealde, Egil Olli, Norgga bealde ja Lars Anders Baer, Ruoŧa bealde.
Gollegiella-bálkkašumi ásahedje sámeáššiin vástideaddji ministarat, ja Suoma, Norgga ja Ruoŧa sámediggepresideanttat 2004. Bálkkašupmi lea 12.500 euro ja juhkkojuvvo juohke nuppi jagi Suoma, Norgga, Ruošša dahje Ruoŧa beale ovttaskas olbmui, jovkui dahje organisašuvdnii, gii lea áŋgiruššan sámegiela ovddidemiin.
- Sámi servodat dárbbaša ovttaskas olbmuid ja servviid, nu go Henrik Barruk ja Sámi Siidda, sámegiela seailluheapmái ja nannemii. Mii sávvat ahte bálkkašupmi movttiidahttá sin joatkit dehálaš ja buori barggu, loahpahit sámediggepresideanttat.
Oktavuođaolbmot:
- Suoma sámediggepresideanta Klemetti Näkkäläjärvi ,tel. +358 50 524 2109
- Norgga sámediggepresideanta Egil Olli ,tel. +47 900 26 880
- Ruoŧa sámediggepresideanta Lars Anders Baer, tel. +46 703 162 056