SNPL lea fas ođđasis áŋgiruššagoahtán oččodan dihte eanet nuoraid čálihit Sámedikki jienastuslohkui, ja dáinna lágiin geahččalit buoridit nuoraid válgasearvama sámediggeválggas čakčat 2009. Min ulbmilin lea oažžut nuoraid beroštišgoahtit politihkas, ja addit dieđuid nuoraide sin vejolašvuođa birra váikkuhit iežaset árgabeaivvi. Danne háliidit deattuhit man deaŧalaš lea válgii searvan go sáhttá jienastit eanet nuoraid Sámediggái, geat fas barget din áššiiguin.
Ovddit vahkkoloahpa dán jagi Nilut Cup oktavuođas Guovdageainnus, lei SNPL mielde ávžžuheamen nuoraid čálihit jienastuslohkui, ja jugii dieđuid SNPL barggu birra nuoraide ja Sámedikki birra oppalaččat. Sihke nuorat ja rávisolbmot čájehedje beroštumi ja bohte minguin humadit. Ollugat čálihedje jienastuslohkui dalle, ja ollugat válde mielde dieđuid ja skoviid. Mii leat ilus buori beroštumi dihte ja giitit ságastallama ovddas nuoraiguin, dadjá Anne Helene Saari.
Mii ávžžuhit nuoraid iskat www.samediggi.no siidduin eanet dieđuid jienastuslogu birra, ja čálihit jienastuslohkui jos háliidit. Geahča maiddái www.diggi.no, gos čuožžu SNPL nuoraidbarggu birra.
Gulahallanolmmoš:
Anne Helene Saari
Giehtatelefovdna 917 20 679
E-poasta: ahsaari@hotmail.com