Jurista (ráđđeaddi/seniorráđđeaddi) - Ref.nr: 08/5043
Bistevaš virgi juristan, álgin farggamusat. Bargosadjin šaddá okta Sámedikki kanturbáikkiin.
Virggi barggut leat riekteovddideapmi, juridihkalaš čielggadeamit ja láhkabargu sáme- ja álgoálbmotrievttis. Virgái sáhttet biddjojuvvot maiddái eará juridihkalaš barggut nugo areálastivren.
Virgái háliidit olbmo geas lea juridihkalaš ámmáteksamen/master ja mávssolaš bargohárjáneapmi. Sávvat ohccin sin, geain lea máhtolašvuohta ja beroštupmi olmmošvuoigatvuođain, diggerievttis ja hálddašanrievttis. Máhtolašvuohta sámi servodatdiliin ja sámegielas deattuhuvvojit. Dan lassin deattuhuvvo buorre fágalaš gelbbolašvuohta, ovttasbargo- ja gulahallandáidu, maiddái čálalaš ovdanbuktindáidu, dáidu strategalaččat, iešheanalaččat ja ulbmillaččat bargat ja bálvalusárja deattuhuvvojit.
Virgi lea biddjojuvvon virgekodii 1434 ráđđeaddi dahje 1364 seniorráđđeaddi.
Lagat dieđuid virggi birra addet Audhild Schanche, Hege Fjellheim Sarre dahje Synnøve Solbakk, tel. 78 47 40 00 go válddát oktavuođa.
Controller (ráđđeaddi/seniorráđđeaddi) - Ref.nr: 08/5044
Bistevaš controller virgi , álgin farggamusat. Bargosadjin šaddá kanturbáiki Kárášjogas.
Virggi barggut leat ea.ea. nannet ja viidásetovddidit ja beavttálmahttit siskkáldas dárkkistanvuogádaga. Dasa gullá maiddái ovddidit buriid bargovugiid ja analysa-, raporteren- ja dárkkistanvuogádagaid. Doarjjahálddašeapmi lea vuoruhuvvon suorgi dán oktavuođas. Sámedikki doarjjahálddašeami kvalitehtasihkkarastin ja čuovvoleapmi. Veahkehit bušeahtta- ja jahkečielggadanbargguin.
Veahkehit jođiheddjiid gávdnat áššáiguoskevaš dieđuid vuođđun mearrádusaide. Ráđđeaddin, oahpaheapmi ja diehtojuohkin. Virgái sáhttet maid biddjojuvvot eará barggut Sámedikki doaimmain.
Virgái háliidit olbmo geas lea universitehta- dahje allaskuvlaoahppu, áinnas siviilaekonoma, revisora dahje sus galgá leat eará áššáiguoskevaš ekonomalaš oahppu. Sávahahtti lea maiddái juridihkalaš gelbbolašvuohta. Mii ohcat olbmo geas lea unnimusat 1-2 jagi bargohárjáneapmi ekonomiijas (ovddasvástádus ekonomiijas, revisora, controller jna.) ja stáhta ekonomálaš stivrema dovdan lea ovdamunnin. Sávvat ahte ohcci lea almmolaš hálddašeamis bargan áššemeannudemiin ja hálddaša áššáiguoskevaš dihtorreaidduid.
Virgáibidjamis deattuhuvvojit návccat bargat iešheanalit ja ulbmillaččat ja ahte ohcci lea ovttasbargo- ja bálvalusdáhtolaš. Analyhtalaš gálggat, ja hutkáivuohta ja dáidu gálgat čuolmmaid maiddái deattuhuvvojit. Virgehasas vurdojuvvo buorre oktavuohta siskkáldas ja olgguldas ovttasbargoguimmiiguin. Danne mii deattuhit ahte kandidáhtas leat buorit gulahallanattáldagat ja sutnje lea luohttámuš. Dasto deattuhuvvo sámi giella-, kultuvra- ja servodatmáhtolašvuohta.
Virgi lea biddjojuvvon virgekodii 1434 Ráđđeaddi/1364 Seniorráđđeaddi.
Lagat dieđuid virggi birra addet Tommy Somby, Johan Anders Klemetsen dahje Berit Karen Paulsen tel. 78 47 40 00 go válddát oktavuođa.
Vuosttaškonsuleanta/ráđđeaddi - Ref.nr:08/5045
Bistevaš virgi vuosttaškonsuleantan/ráđđeaddin, álgin farggamusat. Bargosadjin šaddá kanturbáiki Snoasas.
Virggi barggut lea áššemeannudeapmi sámi kulturmuittuid hálddašeami siskkobealde. Virgái sáhttet biddjojuvvot maiddái eará Sámedikki doaimmain.
Virgái háliidit olbmo geas lea mávssolaš alit oahppu, ovddemustá master/váldofága dásis ja áinnas arkeologiijas/kulturmuitohálddašeamis, mávssolaš bargohárjáneapmi ja máhtolašvuohta "GIS/GPS/PDA" reaidduid geavaheamis. Máhtolašvuohta sámi servodatdiliin ja sámegielas deattuhuvvojit. Dasa lassin deattuhuvvo buorre fágalaš gelbbolašvuohta, ovttasbargo- ja gulahallandáidu, maiddái čálalaš ovdanbuktin dáidu, dáidu iešheanalit ja ulbmillaččat bargat deattuhuvvojit.
Virgi lea biddjojuvvon virgekodii 1408 vuosttaškonsuleanta dahje 1434 ráđđeaddi.
Lagat dieđuid virggi birra addet Audhild Schanche, Hege Fjellheim Sarre dahje Synnøve Solbakk, tel. 78 47 40 00 go válddát oktavuođa.
Vuosttaškonsuleanta/ráđđeaddi - sadjásaš virgi - Ref.nr: 08/5046
Sadjásaš virgi vuosttaškonsuleantan/ráđđeaddin 01.01.09 rájes 30.09.09 rádjai. Bargosadjin šaddá okta Sámedikki kanturbáikkiin.
Virggi barggut leat ea.ea. ovddidit ja čuovvolit Sámedikki váikkuhangaskaoapmepolitihka, vuosttažettiin doarjjahálddašeami. Virgái sáhttet biddjojuvvot maiddái eará Sámedikki doaimmain, nu go Sámedikki dearvvašvuođa- ja sosialpolitihika barggut.
Virgái háliidit vuosttažettiin olbmo geas lea alit ekonomijaoahppu allaskuvllas/universitehtas, áinnas prošeaktajođiheamis ja -barggus. Maiddái olbmot geain lea eará alit oahppu servodatdieđalaš fágain dahje eará guoskevaš oahppu, ávžžuhuvvojit ohcat. Vásáhusat almmolaš hálddašeamis ja gelbbolašvuohta sámi servodatdiliin ja sámegielas deattuhuvvo. Maiddái buorre fágalaš gelbbolašvuohta, ovttasbargo- ja gulahallannávccat, dás maiddái čálalaš ovdanbuktinnávccat, ja návccat bargat iehčanassii ja ulbmillaččat ja veahkkáivuohta deattuhuvvojit.
Virgi lea biddjojuvvon virgekodii 1408 vuosttaškonsuleanta dahje 1434 ráđđeaddi. Erenoamáš gelbbolaš ohccit sáhttet biddjojuvvot virgekodii 1364 seniorráđđeaddi.
Lagat dieđuid virggi birra addet Julie Eira, Lennart Mikkelsen dahje Inga Margrethe Eira Bjørn, tel. 78 47 40 00 go válddát oktavuođa.
Vuosttaškonsuleanta/ráđđeaddi - sadjásaš virgi 1 jahkái - Ref.nr: 08/5047
Sadjásaš virgi 1 jahkái vuosttaškonsuleantan/ráđđeaddin, álgin fárggamusat. Bargosadjin šaddá vuosttažettiin kántorbáiki Evenáššis.
Virggi barggut leat ea.ea. tearbma - ja báikenammabarggut, ja ovddidit ja čuovvolit Sámedikki politihka, vuosttažettiin giellaáššiin. Virgái sáhttet biddjojuvvot maiddái eará Sámedikki doaimmain.
Virgái háliidit vuosttažettiin olbmo geas lea alit giellaoahppu allaskuvllas/universitehtas, áinnas master/váldofágadásis. Gelbbolašvuohta sámi servodatdiliin deattuhuvvo. Maiddái buorre fágalaš gelbbolašvuohta, ovttasbargo- ja gulahallannávccat, dás maiddái čálalaš ovdanbuktinnávccat, ja návccat bargat iehčanassii ja ulbmillaččat ja veahkkáivuohta deattuhuvvojit.
Virgi lea biddjojuvvon virgekodii 1408 vuosttaškonsuleanta dahje 1434 ráđđeaddi.
Lagat dieđuid virggi birra addet Julie Eira, Lennart Mikkelsen dahje Inga Margrethe Eira Bjørn, tel. 78 47 40 00 go válddát oktavuođa.
Oktasaš buot virggiin:
Sámedikki hálddahus galgá nu bures go vejolaš speadjalastit álbmoga girjáivuođa. Bargiidpolitihkalaš ulbmilin lea juksat dássedis čoahkádusa agi ja sohkebeliid dáfus, ja rekrutteret olbmuid geain lea unnitlogu- ja álgoálbmotduogáš.
Sámediggi lea šiehtadan Čáhkkilis bargodili, dg. Inkluderende Arbeidsliv (IA), ja deattuha bargodiliid láhčima juohke bargái.
Buohkain geat ásset Finnmárkkus ja Davvi-Romssas lea vejolašvuohta oažžut oaniduvvot oahppoloana Stáhta loatnakássas 10 proseanttain jahkái gitta 25 000 ru rádjai, sii ožžot maiddái sierra vearrogessosa ja lassi mánáidoaju. Dát gustojit dassážiigo Stuorradiggi rievdada dáid ortnegiid.
Sámedikki bargiin lea máškidis bargoáigi. Ohccit geat eai hálddaš sámegiela go biddjojuvvojit virgái, sáhttet ovttasráđiid bargoaddiin geatnegahttojuvvot váldit oahpu sámegielas.
Muđui virgáduvvojit bargit gustojeaddji lágaid, njuolggadusaid ja šiehtadusaid vuođul, dás maiddái bálká ja penšuvdna, ja 6 mánu geahččalanáigi. Bálkkás gessojuvvo 2 % Stáhta penšuvdnakássii.
Ohcanáigi lea: 16.12.08
Mii bivdit ohcciid almmuhit virggi referánsanummira. Ohcan ja CV oktan duođaštuvvon skuvla- ja bargoduođaštusaid máŋgosiiguin sáddejuvvojit: Sámediggi, Ávjovárgeaidnu 50, 9730 Kárášjohka.