Disdaga juovlamánu 9. b. 2008 sohppojuvvui ahte Sámediggi váldá badjelasas Njávdáma gohttensaji. Dát lea vuosttaš lávki láhčimis dasa ahte dat bázahasat mat 1915:s roggojuvvojedje Njávdáma ortodoksalaš hávdesajis ja dolvojuvvojedje Oslo universitehtii, fievrriduvvojit ruovttoluotta.
Gaskavahku juovlamánu 10. b. 2008 lágidii Sámediggi rabas čoahkkima Njávdámis mas olbmot besse ovddidit evttohusaid. Viidáset proseassas galgá leat lagaš ovttasbargu báikkálaš olbmuiguin.