Vuosttaškonsuleanta/ráđđeaddi - Ref. nr: 08/5300
Sámedikkis lea rabas sadjásašvirgi 31.12.2009 rádjai vuosttaškonsuleantan/ráđđeaddin, álgin farggamusat. Bargobáiki lea okta Sámedikki kantorbáikkiin.
Virggi váldobargamuššan lea ovddidit ja čuovvolit Sámedikki giella- ja kulturpolitihka, ja ovddidit Sámedikki doarjjahálddašeami. Virgái sáhttet maiddái biddjojuvvot eará bargamušat mat gullet Sámedikki doibmii.
Virgái sávvat olbmuid geain lea alit allaskuvla-/universitehtaoahppu, áinnaš mastergráda/váldofága sámegielas ja servodatdieđalaš fágain. Olbmot eará relevánta oahpuin sáhttet maiddái ohcat. Vásáhusat almmolaš hálddahusas ja máhtolašvuohta sámi servodatdiliid birra ja gelbbolašvuohta sámegielas deattuhuvvojit. Dan lassin deattuhuvvojit buorit fágalaš gelbbolašvuođat, ovttasbargo- ja gulahallannávccat, čálalaš ovdanbuktinnávccat, návccat bargat iehčanasat ja ulbmillaččat ja bálvalusdáhttu.
Virgi lea biddjojuvvon virgekodii 1408 vuosttaškonsuleanta dahje 1434 ráđđeaddi. Sii geain lea erenoamáš gelbbolašvuohta, sáhttet biddjojuvvo virgekodii 1364 Seniorráđđeaddi.
Lagat dieđuid virggiid birra addet ossodathoavda Julie Eira, vuolitdirektevra Lennart Mikkelsen dahje vuolitdirektevra Inga Margrethe Eira Bjørn, tel. (47) 78 47 40 00.
Bibliotekára - Ref. nr: 08/3258
Sámedikkis lea rabas bistevaš virgi biliotekáran, álgin farggamusat. Bargobáikin lea kantorbáiki Kárášjogas.
Virgehas galgá leat mielde beaivválaččat doaimmaheamen Sámedikki girjeráju, ja váldobargamuššan lea katalogiseren ja oastin. Girjerádju geavaha girjerádjovuogádaga BIBSYS luoikamiid ja katalogiserema várás. Virgái sáhttet maiddái biddjojuvvot eará bargamušat mat gullet Sámedikki doibmii.
Girjeráju váldobargamuššan lea háhkat, vurkkodit, láhčit ja gaskkustit girjjiid ja eará ávdnasiid sámegillii ja sámi dilálašvuođaid birra beroškeahttá gielas. Dasa lea maid biddjojuvvon bargamuššan doaibmat Sámedikki hálddašangirjerádjun.
Virgái sávvat vuosttažettiin olbmo geas lea dohkkehuvvon girjerádjofágalaš oahppu dahje eará relevánta oahppu uhcimusat bachelordásis. Máhtolašvuohta sámi servodatdiliid birra ja gelbbolašvuohta sámegielas lea hui mávssolaš, muhto maiddái bibliotekárat geain ii leat dakkár gelbbolašvuohta, ávžžuhuvvojit ohcat. Dan lassin deattuhuvvojit bálvalusdáhttu, ovttasbargonávccat ja návccat bargat iehčanasat ja ulbmillaččat.
Virgi lea biddjojuvvon virgekodii 1410 Bibliotekára vejolaččat virgekodii 1515 sierrabibliotekára.
Lagat dieđuid virggi birra addet ossodathoavda Julie Eira dahje váldobibliotekára Liv Inger Lindi, tel. (47) 78 47 40 00.
Konsuleanta/vuosttaškonsuleanta arkiivii - Ref. nr: 08/5017
Sámedikkis lea rabas bistevaš vigi konsuleantan/vuosttaškonsuleantan, álgin farggamusat. Bargobáikin lea kantorbáiki Kárášjogas.
Virgái gullet arkiivafágalaš barggut nu go arkiivaplána, ráhkadit bargovugiid ja gohččumiid, álggahit dárbbašlaš oahpahandoaibmabijuid, čuovvolit gustovaš njuolggadusaid mat gullet arkiivii, elektrovnnalaš áššemeannudeapmái ja arkiivavuogádagaide. Virgái sáhttet maid biddjojuvvot vuostáiváldin- ja telefonguovddášbálvalusat, áššehas- ja poastagieđahallan, iešguđetlágan kantorbálvalusat, čoahkkimiid lágideapmi ja čállingoddeveahkki ja álkkes áššemeannudeapmi.
Mii ohcat mielbargi geas lea alit arkiivafágalaš oahppu dahje eará oahppu seamma dásis. Vásáhusat elektrovnnalaš arkiivvain ja máhtolašvuohta arkiivabarggu birra deattuhuvvojit. Lassin buori ja áššáiguoskevaš bargohárjehallamii deattuhuvvojit erenoamážit sámegielgelbbolašvuohta, ovttasbargo- ja gulahallannávccat, ja bálvalusdáhttu.
Virgi lea biddjojuvvon virgekodii 1065 konsuleanta dahje 1408 vuosttaškonsuleanta.
Lagat dieđuid virggiid birra addet ossodathoavda Tommy Somby, vuolitdirektevra Berit Karen Paulsen dahje vuolitdirektevra Johan Anders Klemetsen, tel. (47) 78 47 40 00.
Bargiidráđđeaddi - Ref. nr: 08/5080
Sámedikkis lea rabas bistevaš virgi bargiidráđđeaddin, álgin farggamusat. Bargobáiki lea okta Sámedikki kantorbáikkiin.
Dan virgái gullet earret eará dakkár barggut go ovddidit ja jođihit bargiidhálddahuslaš vuogádagaid, bargat rekruteremiin ja virgáibidjamiiguin, DBS barggut, ja sus galgá lagas ja viiddis oktavuohta bargiidorganisašuvnnaiguin. Virgái sáhttet maiddái biddjot eará barggut mat gullet Sámedikki doibmii.
Virgi gáibida olbmo geas lea guoskevaš oahppu allaskuvllas dahje universitehtas, áinnas bachelor, muhto goit mastergráda almmolaš hálddašeamis ja jođiheamis, jusas, siviilaekonomas, psykologiijas dahje sullásaš, ja gii dovdá bargorievtti lágaid ja njuolggadusaid. Bargovásáhusat bargiidguoskevaš bargguiguin, almmolaš hálddašeamis ja gelbbolašvuohta sámegielas ja sámi kultuvrras deattuhuvvojit.
Virgái ohcat olbmo gii máhttá kombineret bargiidhálddašan rolla ja strategalaččat deattuhit organisašuvdna-, jođihan- ja mielbargiidovddideami. Lassin deattuhit buriid ovttasbargo- ja gulahallannávccaid, čálalaš ovdanbuktinnávccaid, návccaid bargat iešheanalaččat ja ulbmillaččat ja bálvalusdáhtu.
Virgi lea biddjojuvvon virgekodii 1434 ráđđeaddi dahje virgekodii 1364 seniorráđđeaddi.
Eanet dieđuid virggi birra addet ossodatdirektevra Tommy Somby, vuolitdirektevra Berit Karen Paulsen dahje vuolitdirektevra Johan Anders Klemetsen, tlf. (47) 78 47 40 00.
Vuosttaškonsuleanta/ráđđeaddi - Ref. nr: 08/5031
Sámedikkis lea rabas bistevaš virgi vuosttaškonsuleantan/ráđđeaddin, álgin farggamusat. Bargobáiki lea okta Sámedikki kantorbáikkiin.
Virgái gullet dakkár barggut go ovddidit ja čuovvolit Sámedikki váikkuhangaskaoapmepolitihka, vuosttažettiin doarjjahálddašeami. Virgái sáhttet maiddái biddjot eará barggut mat gullet Sámedikki doibmii.
Virgái ohcat olbmo geas lea alit oahppu allaskuvllas/universitehtas, ovddemusat mastergráda/váldofága ekonomiijas, prošeaktajođiheamis, plánemis dahje servodatdieđalaš fágain. Bargovásáhusat almmolaš hálddašeamis ja gelbbolašvuohta sámegielas ja sámi kultuvrras deattuhuvvojit. Lassin deattuhit buriid fágalaš gelbbolašvuođaid, ovttasbargo- ja gulahallannávccaid, čálalaš ovdanbuktinnávccaid, návccaid bargat iešheanalaččat ja ulbmillaččat ja bálvalusdáhtu.
Virgi lea biddjojuvvon virgekodii 1408 vuosttaškonsuleanta dahje 1434 ráđđeaddi.
Eanet dieđuid virggi birra addet ossodatdirektevra Julie Eira, vuolitdirektevra Lennart Mikkelsen dahje vuolitdirektevra Inga Margrethe Eira Bjørn, tlf. (47) 78 47 40 00.
Guokte juristavirggi (ráđđeaddi/seniorráđđeaddi) - Ref. nr: 08/5098
Sámedikkis leat rahpasat guokte bistevaš juristavirggi, álgin farggamusat. Bargosadjin lea okta Sámedikki kantorbáikkiin.
Goappašiid virggiid bargamušat čatnasit riekteovddideapmái, juridihkalaš čielggademiide ja láhkabargui sáme- ja álgoálbmotrievttis. Nuppi virggi váldobargamušat čatnasit oahpahus-, kultur- ja álgoálbmotrievttálaš suorgái. Nuppi virggi váldobargamušat fas čatnasit eana- ja resursa-vuoigatvuođaide, dás maiddái digge-, biras ja areálahálddašanriekti. Goappašiid virggiide háliidit olmmošvuoigatvuohta ja hálddašanrievtti gelbbolašvuođa.
Virggit gáibidit juridihkalaš ámmáteksámena/mastera. Lea ovdamunni jus lea bargohárjehallan dan bargosuorggis. Máhttu sámi servodatdili birra ja sámegielas deattuhuvvo. Lassin deattuhit buriid gelbbolašvuođaid, ovttasbargo- ja gulahallannávccaid, čálalaš ovdanbuktinnávccaid, návccaid bargat iešheanalaččat ja ulbmillaččat ja bálvalusdáhtu.
Bivdit ohcci almmuhit goappá virgái ohcá, dahje goappá virggi vuoruha. Virggit leat biddjojuvvon virgekodii 1434 ráđđeaddi dahje 1364 seniorráđđeaddi.
Lagat dieđuid virggiid birra addet ossodatdirektevrrat Julie Eira ja Audhild Schanche, tlf. 78 47 40 00.
Oktasaš buot virggiin:
Sámedikki hálddahus galgá nu bures go vejolaš speadjalastit álbmoga girjáivuođa. Bargiidpolitihkalaš ulbmilin lea juksat dássedis čoahkádusa agi ja sohkebeliid dáfus, ja rekrutteret olbmuid geain lea unnitlogu- ja álgoálbmotduogáš.
Sámediggi lea šiehtadan Čáhkkilis bargodili, dg. Inkluderende Arbeidsliv (IA), ja deattuha bargodiliid láhčima juohke bargái.
Buohkain geat ásset Finnmárkkus ja Davvi-Romssas lea vejolašvuohta oažžut oaniduvvot oahppoloana Stáhta loatnakássas 10 proseanttain jahkái gitta 25 000 ru rádjai, sii ožžot maiddái sierra vearrogessosa ja lassi mánáidoaju. Dát gustojit dassážiigo Stuorradiggi rievdada dáid ortnegiid.
Sámedikki bargiin lea máškidis bargoáigi. Ohccit geat eai hálddaš sámegiela go biddjojuvvojit virgái, sáhttet ovttasráđiid bargoaddiin geatnegahttojuvvot váldit oahpu sámegielas.
Muđui virgáduvvojit bargit gustojeaddji lágaid, njuolggadusaid ja šiehtadusaid vuođul, dás maiddái bálká ja penšuvdna, ja 6 mánu geahččalanáigi. Bálkkás gessojuvvo 2 % Stáhta penšuvdnakássii.
Ohcanáigi lea: 09.01.09
Mii bivdit ohcciid almmuhit virggi referánsanummira. Ohcan ja CV oktan duođaštuvvon skuvla- ja bargoduođaštusaid máŋgosiiguin sáddejuvvojit: Sámediggi, Ávjovárgeaidnu 50, 9730 Kárášjohka.