Várrepresideanta Balto čállá reivves ahte son lea hirpmahuvvan go departemeanta áigu álggahit ráđđádallamiid Ruoššain ja EU:in mearraluossareguleremiid birra Norggas, iige leat dieđihan Sámediggái iige konsulteren Sámedikkiin dan oktavuođas. Go birasgáhtteneiseválddit leat konsultereme Sámedikkiin dakkár reguleremiid birra dál, de ferte Sámediggi oažžut dieđuid ja váldot fárrui vejolaš digaštallamiidda Ruoššain ja EU:in.