Dát ođđa ásaheapmi lea oassi riikaviidosaš viiddis museaođastusas. Deanu ja Várjjaga ođđa museasiidda jođiheaddji lea Tove Lill Labahå Magga gii leat eret Mátta-Várjjagis.
Mun lean hui duhtavaš dainna go Deanu ja Várjjaga museasiida dál lea ásahuvvon, dadjá Hilde Anita Nyvoll Sámediggeráđis. Dán siidda museain leat sierralágan lagadeamit sámi kulturhistorjái, ja oktasaš doaibma sáhttá buktit gelddolaš fágalaš ovdáneami. Deaŧaleamos bargun dál lea buoridit ekonomiija sihke Deanu ja Várjjaga museasiiddas ja muđui eará sámi museain. Šállošit hui sakka dan go sámi museat eai leat ekonomalaččat nannejuvvon nugo lei vurdojuvvon ja nugo lei lohpiduvvon museaođastusas, dadjá Nyvoll loahpas.
Ovdal leat sámi museat Oarje-Finnmárkkus čohkkejuvvon vuođđudussan mii lea RiddoDuottarMuseat. Dál go Deanu ja Várjjaga museasiida lea ásahuvvon, de leat buot sámi museat Finnmárkkus čađahan museaođastusa áigumušaid.