Almmuhan
Klemetsen, Per Edvard.
Maŋumustá rievdaduvvon 30.11.2006
Sámedikki giellaossodat lea 2004 čavčča álggahan 3-jagi prošeavtta mii fállá divvunprográmma sámegielaid teakstagieđahallama várás. Fálaldat lea nuvttá 2007 čacčča rájes Suoma, Norgga ja Ruoŧa beale geavaheaddjiide.
Ulbmiljoavkkut
Prográmmaid ulbmiljoavkkut leat almmolaš hálddahusat, sámi ealáhusat, sámi preassa ja sámi lágádusat, skuvllat ja oahpahus ja ovttaskas olbmot. Prográmmain lea rájiidrastásaš heiveheapmi nu ahte Suoma, Norgga ja Ruoŧa beale geavaheaddjit sáhttet bidjat dáid lassin sin iežaset riikkaid teakstagieđahallanprográmmaide.
Boahttevaš fálaldagat
Divvunprográmmat ráhkaduvvojit Windows, Mac OS ja Linux operatiivavuogádaide.
Dievaslaš divvunprográmmapáhkas lea stávendárkkisteapmi, sátnejuohkin, synonymasátnegirji ja grammatihkkadárkkistealpmi. Dán prográmma olis ráhkaduvvo fálaldat vuolábeale tabealla vuođul.
Sámi hállansyntesa (dahkusuopman)
Sámi hállansyntesa ovttas divvunprográmmain šaddá ávkkálaš lassireaidun daidda sámegielagiidda geain váilu čállinmáhtu gielasteaset. Ii leat vel mearriduvvon galgá go doaibmbidju čađahuvvot. Loga eanet dán birra ja divvunprográmma birra vuolábeale dokumeanttain