Suohkan mearrida galgá go beassat jienastit buot jienastanbiiriin vai leat go mearriduvvon báikkit gos sáhttá jienastit sámediggeválgii.
Ođas dán válggas lea ahte jienasteaddjit geat leat registrerejuvvon suohkaniidda main leat unnit go 30 olbmo jienastuslogus, fertejit ovdalgihtii jienastit. Buot suohkanat, vel dat suohkanat nai main leat 29 dahje unnit jienasteaddji sámediggeválgii, galget láhčit vejolašvuođa ovdalgihtii jienasteapmái.
Sii guđet leat registrerejuvvon Sámedikki jienastuslohkui, ja guđiin dasto lea jienastanvuoigatvuohta ožžot sáddejuvvot válgakoartta mii galgá váldojuvvot fárrui jienastanbáikái.