Jan Roger Østby (41) lea bargan NRK Sámi radio 1995 rájes ja sus lea prošeaktaredatevravirgi. Son galgá gulahallandirektevran hábmet ja jođihit Sámedikki ođđa Gulahallanossodaga. Gulahallanossodat galgá sihkkarastit Sámediggái profešunealla gulahallanfágalaš gelbbolašvuođa jođihan- ja strategiijaproseassain, mediagieđahallamiin, digitála ja árbevirolaš kanálaid ja mediaid plánemiin ja buvttademiin, heahtediehtojuohkimiin, ráđđeaddimiin ja muđui eará vehkiin. Gulahallandirektevrra guovddáš barggut ja ovddasvástádussuorggit leat ovddidit strategiijaid, doaibmat media ja servodaga oktavuođaolmmožin, ovddidit siskkáldas ja olgguldas gulahallanpolitihka, ovddidit organisašuvnna ja čuovvolit bargiid. Gulahallandirektevrras lea ovddasvástádus ossodaga bohtosiidda, bušehttii ja bargiide. Gulahallandirektevra šaddá oassin hálddahusa jođiheaddjijoavkkus. Bargosadji lea Kárášjohka.
Virgáibidjanlávdegotti árvalus gulahallandirektevrii lei čuovvovaččat: 1) Jan Roger Østby, 2) Kent Valio, og 3) Pål Hivand.