Ollugat oaivvildit ahte nissonbeaivái ii šat leat dárbu. Dattetge leat ollu beaiveguovdilis áššit mat čájehit ahte beaivi ain lea deaŧalaš. Dan oktavuođas sáhttá namuhit áššiid nugo seamma bálká, nissonolbmuid riektedilli ja sadji vuođđoealáhusain, nissonolbmuid sadji stivrenlanjain, ja áitagat ja veahkaváldi nissoniid guovdu.
Sámediggi háliida leat buorre ovdamearka dásseárvvu oktavuođas. Dásseárvu guoská buot servodatsurggiide ja galgá heivehuvvot Sámedikkis buot bargguide. Sámediggi lea ráhkadan dásseárvodoaibmaplána áigodahkii 2009-2013. Doaibmaplánain háliida Sámediggi signaliseret ahte dásseárvobargu ja dássásašvuohta leat bajás vuoruhuvvon.