Rabas čoahkkin
Lágiduvvo maid rábas čoahkkin gaskkal ONa eamiálbotáššiid bissovaš forum ja sámi organisašuvnnaid/ásahusaid gaskkavahkku dii. 15.00 Sámedikki Auditoriumas.
Prográmma:
1300- 1500 Gaskabeaiborramuš Sámedikki kantiinas
1500- 1800 Rabas čoahkkin Sámedikki auditoriumas
Álggaheapmi UNPII ovdaolbmo bokte Ms. Victoria Tauli- Corpuz
Dialoga/ gažaldagat
Gáfebottut
Čoahkkingielat leat Sámi-, dáru- ja eŋgelasgielat.
Lágideaddji/ čoahkkinjođiheaddji lea Gáldu, Álgoálbmotvuoigatvuođaid gelbbolašvuođaguovddáš
Gaskabeaiborramuša diŋgoma dihte bivdit mii dieđu oasálastimis ovdal njukčamánu 16. b. 2009.
trine.guttorm.anti@samediggi.no
bent-martin.eliassen@samediggi.no
Mii lea ONa Álgoálbmogiid Bistevaš Forum?
ONa Álgoálbmogiid Bistevaš Forum lea ONa ráđđeaddi orgána dakkár áššiin mat gusket álgoálbmogiidda. Ráđđi lea ONa ekonomalaš ja sosiála ráđi (ECOSOC) vuollásaš orgána.
ONa váldočoahkkima 1993-mannosaš resolušuvdna 48/163 riikkaidagaskasaš álgoálbmotjagi birra namuhii bistevaš Forum ásahálgo. ONa ekonomalaš ja sosiála ráđđi (ECOSOC) ásahii Bistevaš Forum resolušuvnna 2000/22 bokte suoidnemánu 28. b. 2000. Dán resolušuvnnas fápmuduvvui Bistevaš Forumi váldi "digaštallat dakkár álgoálbmotáššiid Ráđđái gulli mandáhtas mat gusket ekonomalaš ja sosiála ovddideapmái, kultuvrii, birrasii, ohppui, dearvvašvuhtii ja olmmošvuoigatvuođaide."
Forum mandáha lea digaštallat álgoálbmotáššiid ekonomalaš ja sosiála ovddidálgo, kultuvrra, birrasa, oahpu, dearvvašvuođa ja olmmošvuoigatvuođaid ektui. Forum galgá:
•· Addit áššedovdi ráđiid ja rávvagiid ONa ekonomalaš ja sosiála ráđđái ja ONa vuogádaga iešguđet prográmmaide, foanddaide ja organisašuvnnaide
•· Nannet dihtomielalašvuođa doaimmaid birra mat gusket álgoálbmogiidda ja ovddidit dáid doaimmaid ovttaiduhttima ja oktiiordnáma; ONa vuogádaga siskkobealde
•· Ráhkadit ja juohkit dieđuid álgoálbmotáššiid birra
Lahttun leat 16 sorjjasmeahttun áššedovdi, geat nammaduvvojit 3-jagi áigodahkii. Lahttoriikkaid ráđđehusat nominerejit 16 lahtu gaskkas gávcci olbmo, ja álgoálbmotorganisašuvnnat nominerejit njuolga gávcci olbmo. ONa ekonomalaš ja sosiála ráđđi vállje daid lahtuid maid ráđđehusat nominerejit dan vuođul man muttos iešguđege guovlulaš joavkkut leat ovddastuvvon. ECOSOC presideanta nammada daid lahtuid maid álgoálbmotorganisašuvnnat nominerejit, ja sii ovddastit dan čieža sosiokultuvrralaš guovllu, sihkkarastin dihte ovddastuslaš searvama máilmmi álgoálbmogiid bealis. Dát čieža guovllu leat Afrihkká, Asia, Gaska- ja Mátta-Amerihkká ja Karibia, Árktis, Guovddáš- ja Nuorta-Eurohpá, Ruošša, Guovddáš-Asia, Davvi-Amerihkká ja Jaskesáhpi. ESOSOC vállje daid lahtuid maid ráđđehusat leat evttohan, stáhtaid viđa guovlulaš joavkku vuođul mat dábálaččat geavahuvvojit Ovttastuvvan Našuvnnain (Afrihkká, Asia, Nuorta-Eurohpá, Latin-Amerihkká ja Karibia ja Oarje-Eurohpá ja eará stáhtat).
(Gáldu: UNPFII ja Wikipedia, sámás: Sámediggi)
Ole Henrik Magga válljejuvvui ONa Bistevaš Foruma vuosttaš jođiheaddjin 2002-2004 áigodahkii.
Pressii:
Disdaga njukčamánu 17.b., dii. 18.00-19.00 lea várrejuvvon áigii pressii/preassakonferánsii. Gos: Sámedikkis, čoahkkinlanjas 128
Prográmmas ovdanbohtet dárkileabbo dieđut.
Preasseovddasvástideaddji:
Seniorráđđeáddi Leif Arnold Dunfjeld, tel. 78 47 40 00
Ráđđeáddi Sara Marja Magga, tel. 78 47 40 00