Suohkaniin main leat eanet go 30 olbmo Sámedikki válgga jienastuslogus galgá leat válgadiggi oktanaga stuoradiggeválggain. Jienasteaddji sáhttá jienastit seammás goappašiid válggaide. 2009 Sámediggeválgga oktavuođas guoská dát 47 suohkanii.

Bargo- ja searvadahttin­departemeanta ja Sámediggi leat ráhkadan sámediggeválgga láhkaásahusa § 67 vuođul mearriduvvon sámediggeválgga válgabeavdegirjjiid (čoahkkingirjjid).

Áinnas sáhttá geavahit mála mii lea mielddusin go ráhkada russenjienastuslogu. Deaŧalaš lea fuomášit ahte russennjienastuslogus II galgga leat ollislaš riegádannummir dan raporttas mii almmuhuvvo.

Sámedikki jienastuslohku lea dál ođastuvvon ja sáhttá dál lágiduvvot almmolaš geahčadeapmái (28.07.09)

Dušše dain gielddain gos ledje eanet go 30:s Sámedikki jienastuslogus jagis 2005 dollojuvvo válgadiggi. Dát guoská 47 gildii jagi 2009 sámediggeválgga oktavuođas. Dušše dain jienasteddjiin geat leat dáid gielddaid álbmotregistaris lea vejolašvuohta jienastit válgabeaivvi.

Buohkat earát fertejit ovdagihtii jienastit. Don sáhtát ovdagihtii jienastit sámediggeválgii buot Norgga gielddain. Maiddái olgoriikkas lea vejolaš ovdagihtii jienastit ja dasto Svalbarddas ja Jan Mayenis.

Geavahuvvojit árrajienasteamis ja ovdalgihtii jienasteamis.

Sámediggi sádde jienastanlihpuid buot Norgga gielddaide. Gielda- ja guovlodepartemeanta fas sádde jienastanlihppokonfaluhtaid.

Gielddat ožžot ovdal suoidnemánu 1. beaivvi 2009 alit buhtes jienastanlihpuid árrajienasteapmái.

Sámediggi sádde buot jienasteddjiide válgakoarta poasttas. Válgakoarta ráhkaduvvo Sámedikki jienastuslogu vuođul ja álbmotregistara dieđuid vuođul makkár ássančujuhus jienasteddjiin lei geassemánu 30. b. válgajagi. Dát čujuhus dat mearrida guđe válgabiirres dus lea jienastanvuoigatvuohta.