Doarjjaortnega ulbmil lea addit vejolašvuođa listtaide searvat sámediggeválgii. Ohcanáigemearri lea suoidnemánu 10. beaivvi.

Áigemearri sáddet sámediggeválgga listaevttohusaid lea njukčamánu 31. b. Dan áigemearrái galget listtat leat joavdan Sámediggái. Listaevttohusat sáddejuvvojit Sámediggái. Listtaid sáhttá sáddet Sámediggái juogo poastta mielde, doalvut Sámedikki almmolaš kanturbáikái kanturáiggis, dahje juo sáddet fáksain, muhto dalle ferte listtaid sáddet maŋŋá rievdatkeahttá.

Go organisašuvdna lea registrerejuvvon sámepolitihkalaš organisašuvdnan, de dárbbašit listta vuolláičállit dušše unnimusat guokte báikkálaš ossodaga stivralahtu válgabiirres. Jos organisašuvdna ii leat registrerejuvvon Sámedikki registaris, de fertejit listta čuovvut 30 vuolláičállosa olbmuin geat leat čálihuvvon Sámedikki jienastuslohkui válgabiirres.

Sámedikkis leat guovttelágan doarjjaortnegat sámepolitihkalaš organisašuvnnaide. Vuos lea doarjjaortnet mii čatnasa njuolga sámediggeválgii ja válgabargui, ja nubbi fas lea sámepolitihkalaš bellodagaid ásaheami ja ovddideami várás.

Sámedikki válgalávdegoddi lea 08.12.2008 áššis VN 003/08 dohkkehan Olgešbellodaga/Høyre sámepolitihkalaš organisašuvdnan. Dat mearkkaša dan ahte organisašuvdna sáhttá bidjat listtaid buot válgabiirriin boahtte sámediggeválggas.

Gielda- ja guovlodepartemeanta addá doarjaga diehtojuohkindoaibmabijuide 2009 stuorradigge- ja sámediggeválgga oktavuođas.

Ohcanáigemearri lea: juovlamánu 10. b. 2008.

27.10.2008 mearridii ovttajienalaš dievasčoahkkin sohkabealjuohkogáibádusa 2009 sámediggeválgga listaevttohusaide.