13890 olbmuin lei jienastanvuoigatvuohta 2009 sámediggeválgii. Dat muitala ahte 2005 válggaid rájes lea jienastuslohku lassánan 1352 olbmuin.
Sámedikki nuoraidpolitihkalaš lávdegoddi (SNPL) háliida fas bidjat Sámedikki jienastuslogu guovddážii, ja ávžžuha nuoraid čálihit jienastuslohkui vai besset jienastit 2009 válggain čakčat, dadjá SNPL jođiheaddji Anne Helene Saari.
Sámedikki jienastuslogus 2005:s ledje 12 538 olbmo. Dasa vuođđuduvvo áirrasjuohku válgabiirriin jagi 2009 válggas.