Juolludeami oktavuođas váldá doarjjastivrra jođiheaddji Ann-Mari Thomassen ovdan čuovvovačča:
Mariidnaealáhusaide addojuvvui doarjja oktiibuot 1 200 000 ru bivdofatnasiidda ja 252 000 ru eanaautoliidnarusttegii Nordkáhpa gielddas.
Duodjeealáhussii addojuvvui oktiibuot 1 337 000 ru, mas 550 000 ru sámi dujiid vuovdinorganisašuvnnaide. Doarjjastivrra jođiheaddji háliida erenoamážit váldit ovdan doarjaga 300 000 ru nuorra ásaheddjiide geat áiguba álgit buvttadit bađavuložiid bohccoduolljis.
Juohkelágan ealáhusaide juolluduvvui oktiibuot doarjja 1 572 000 ru. Dán oktavuođas áigu doarjjastivra jođiheaddji deattuhit doarjaga 300 000 fitnodaga álggaheapmái Davvesiidda gielddas man oktavuođas fitnodatjurdda lea Finnkirka čuovggat.
Lotnolasealáhusaid árvoháhkanprográmma ja sámi mátkeealáhusaid oktavuođas juolluduvvui doarjja oktiibuot 730 000 ru. Doarjja addojuvvui váldoáššis meahccevuđot mátkeealáhusdoaimmaid ásaheapmái ja stivrajođiheaddji Ann-Mari Thomassen dadjá ahte illudahttá go árvoháhkanprográmma sáhttá váikkuhit ahtanuššama dán ealáhusas.
Eanandoalloulbmiliidda juolluduvvui doarjja oktiibuot 724 000 ru doaibmavisttiid divodemiide ja viiddidemiide. Sámi ealáhusorganisašuvnnaide addojuvvui doarjja oktiibuot 500 000 ru.
Kulturulbmiliidda juolluduvvui oktiibuot 3 881 000 ru.
Doarjjastivrra jođiheaddji Ann-Mari Thomassen háliida erenoamážit váldit ovdan čuovvovaš juolludemiid:
Doarjja lágádusdoibmii juolluduvvui oktiibuot 2 682 000,- ru. Čuovvovaš lágádusat ožžo doarjaga: Davvi Girji, DAT, Lágádus Iđut, ČálliidLágádus, Skániid girjie ja ABC-company E-skuvla.
Doarjja sámi deaivvadansajiide juolluduvvui oktiibuot 700 000,- ru. Čuovvovaš doaimmat ožžo doarjaga: Mearrasámi duodjedállu, Stuornjárgga sámiid duodji, Álttá Siida A/S ja Beaiveálgu
Loahppa juogaduvvui sierralágan kulturdoaibmabijuide.
Stivračoahkkima oktavuođas dollojuvvui rabas álbmotčoahkkin, gos doarjjastivra muitalii Sámedikki doaimma ja sierralágan doarjjaortnegiid birra. Dollojuvvui maiddái oktasaš čoahkkin Skániid, Evenášši, Rivttáid ja Loabága gielddaiguin ealáhusovddideami birra dáin guovlluin.