Sámedikkis lea rabas bistevaš virgi bargiidráddeaddin, álgin farggamusat. Bargobáiki lea okta Sámedikki kantorbáikkiin.
Dan virgái gullet earret eará dakkár barggut go ovddidit ja jodihit bargiidhálddahuslaš vuogádagaid, bargat rekruteremiin ja virgáibidjamiiguin, ja sus galgá lagas ja viiddis oktavuohta bargiidorganisašuvnnaiguin. Virgái sáhttet maiddái biddjot eará barggut mat gullet Sámedikki doibmii.
Virgi gáibida olbmo geas lea guoskevaš oahppu allaskuvllas dahje universitehtas, áinnas bachelor, muhto goit mastergráda almmolaš hálddašeamis ja jodiheamis, jusas, siviilaekonomas, psykologiijas dahje sullásaš, ja gii dovdá bargorievtti lágaid ja njuolggadusaid. Bargovásáhusat bargiidguoskevaš bargguiguin, almmolaš hálddašeamis ja gelbbolašvuohta sámegielas ja sámi kultuvrras deattuhuvvojit.
Virgái ohcat olbmo gii máhttá kombineret bargiidhálddašan rolla ja strategalaccat deattuhit organisašuvdna-, jodihan- ja mielbargiidovddideami. Lassin deattuhit buriid ovttasbargo- ja gulahallannávccaid, cálalaš ovdanbuktinnávccaid, návccaid bargat iešheanalaccat ja ulbmillaccat ja bálvalusdáhtu.
Virgi lea biddjojuvvon virgekodii 1434 ráddeaddi dahje virgekodii 1364 seniorráddeaddi.
Eanet dieduid virggi birra addet ossodatdirektevra Tommy Somby, vuolitdirektevra Berit Karen Paulsen dahje vuolitdirektevra Johan Anders Klemetsen, tlf. (47) 78 47 40 00.
Sámedikki hálddahus galgá nu bures go vejolaš speadjalastit álbmoga girjáivuođa. Bargiidpolitihkalaš ulbmilin lea juksat dássedis čoahkádusa agi ja sohkebeliid dáfus, ja rekrutteret olbmuid geain lea unnitlogu- ja álgoálbmotduogáš.
Sámediggi lea šiehtadan Čáhkkilis bargodili, dg. Inkluderende Arbeidsliv (IA), ja deattuha bargodiliid láhčima juohke bargái.
Buohkain geat ásset Finnmárkkus ja Davvi-Romssas lea vejolašvuohta oažžut oaniduvvot oahppoloana Stáhta loatnakássas 10 proseanttain jahkái gitta 25 000 ru rádjai, sii ožžot maiddái sierra vearrogessosa ja lassi mánáidoaju. Dát gustojit dassážiigo Stuorradiggi rievdada dáid ortnegiid.
Sámedikki bargiin lea máškidis bargoáigi. Ohccit geat eai hálddaš sámegiela go biddjojuvvojit virgái, sáhttet ovttasráđiid bargoaddiin geatnegahttojuvvot váldit oahpu sámegielas.
Muđui virgáduvvojit bargit gustojeaddji lágaid, njuolggadusaid ja šiehtadusaid vuođul, dás maiddái bálká ja penšuvdna, ja 6 mánu geahččalanáigi. Bálkkás gessojuvvo 2 % Stáhta penšuvdnakássii.
Ohcanáigemearri: 07.05.2009
Ohcan virgái sáddejuvvo min digitála ohcanguovddážii:
http://min.e-kommune.no/Sametinget.
Mii bivdit ohcciid almmuhit virggi referánsanummira: 08/5080.
Duođaštuvvon skuvla- ja bargoduođaštusaid máŋgoat bidjdjojuvvojit mielddusin dahje sáddejuvvojit bábirveršuvdnan: Sámediggi - Sametinget, Ávjovárgeaidnu 50, 9730 Kárášjohka/Karasjok