Sámedikki hálddahus lea ásahan odda ossodaga man ovddasvástádussuorgi lea Sámedikki gulahallan ja diehtojuohkin. Dan oktavuodas ohcat mii dál
Gulahallanráddeaddi
geas lea earenoamáš gelbbolašvuohta ja beroštupmi odda mediai. Gulahallanráddeaddi barggut leat ovddidit strategiijaid, doaibmat media ja servodaga oktavuodaolmmožin, mediagiedahallan, digitála ja árbevirolaš kanálaid ja mediaid plánet ja buvttadit, heahtediehtojuohkin, ráddeaddin ja mudui eará barggut.
Virgái háliidit olbmo geas lea unnimusat 3 jagi guoskevaš alit oahppu universitehtas dahje allaskuvllas ja guoskevaš bargoduogáš. Ohccis ferte leat diehtu sámi servodagas ja máhtolašvuohta politihka ja mearridanproseassaid birra. Lassin deattuhit buriid ovttasbargo- ja gulahallannávccaid ja máhtu olahit bohtosiid ovttasrádiid earáiguin. Son gii biddjo virgái ferte hálddašit davviriikkalaš giela, sámegiela ja e?gelasgiela.
Bargosadji: Okta Sámedikki konturbáikkin, vuosttamužžan Kárášjohka.
Virgi lea biddjon virgekodii 1434 ráddeaddi dahje 1364 seniorráddeaddi. Álgin farggamusat.
Eambbo dieduid virggi birra oaccut Sámedikki direktevrras Rune Fjellheim, tlf 78 47 40 40 /mob. 910 09 320.
Sámedikki hálddahus galgá nu bures go vejolaš speadjalastit álbmoga girjáivuođa. Bargiidpolitihkalaš ulbmilin lea juksat dássedis čoahkádusa agi ja sohkebeliid dáfus, ja rekrutteret olbmuid geain lea unnitlogu- ja álgoálbmotduogáš.
Sámediggi lea šiehtadan Čáhkkilis bargodili, dg. Inkluderende Arbeidsliv (IA), ja deattuha bargodiliid láhčima juohke bargái.
Buohkain geat ásset Finnmárkkus ja Davvi-Romssas lea vejolašvuohta oažžut oaniduvvot oahppoloana Stáhta loatnakássas 10 proseanttain jahkái gitta 25 000 ru rádjai, sii ožžot maiddái sierra vearrogessosa ja lassi mánáidoaju. Dát gustojit dassážiigo Stuorradiggi rievdada dáid ortnegiid.
Sámedikki bargiin lea máškidis bargoáigi. Ohccit geat eai hálddaš sámegiela go biddjojuvvojit virgái, sáhttet ovttasráđiid bargoaddiin geatnegahttojuvvot váldit oahpu sámegielas.
Muđui virgáduvvojit bargit gustojeaddji lágaid, njuolggadusaid ja šiehtadusaid vuođul, dás maiddái bálká ja penšuvdna, ja 6 mánu geahččalanáigi. Bálkkás gessojuvvo 2 % Stáhta penšuvdnakássii.
Ohcanáigemearri: 18.05.2009
Ohcan virgái sáddejuvvo min digitála ohcanguovddážii:
http://min.e-kommune.no/Sametinget.
Mii bivdit ohcciid almmuhit virggi referánsanummira: 09/1629.
Duođaštuvvon skuvla- ja bargoduođaštusaid máŋgoat bidjdjojuvvojit mielddusin dahje sáddejuvvojit bábirveršuvdnan: Sámediggi - Sametinget, Ávjovárgeaidnu 50, 9730 Kárášjohka/Karasjok