Ministarat, álgoálbmotjođiheaddjit, Ekseleanssat!
Sámi álbmoga bealis lea munnje illun ja gudnin sávvat buot oassálastiide bures boahtin dán ovddolaš gávpogii Romsii ja Sámii. Sámis leat álo leamaš valjis luondduriggodagat. Jearru daid resurssaid maŋŋái máŋgga historjjálaš áigodagas lea danne ásahan dán guovllu gávppašan- ja servvoštallanguovddážin, ja lea leamaš mielde ovddideamen ja rievdadeamen kultuvrra ja servodaga. Sápmi ii leat goassege leamaš lihkatkeahtes ja dutkkakeahtes eana. Dat lea álo leamaš ja lea ain sámi álbmoga ruovttueana.
Árktisas leat ollu ealáhusovddidaneavttut mat addet nana ceavzilis sosiála ja kultuvrralaš servodaga min guovlluin. Dán lágan positiiva ovddideapmi gáibida dattetge mis ollu. Mii fertet geahččat historjái ja duostat geahččat ovddosguvlui ja oaidnit ahte álbmogat leat ovttaárvosaš oasálaččat, ja man oktavuođas luohttámuš huksejuvvo ja ovttasbargu ovddiduvvo. Stáhta ja álgoálbmogiid gaskasaš searvevuohta ferte buvttihit čielga politihka, lágaid ja geavahusa hámis.
Dáid sániiguin giittán mun beroštumis!