Sámi kulturmáhttu Romssa joatkkaskuvllain áŋgirruššama vuosttaš jahki lea čađahuvvon. Lea álgojahki dan guovtti jahkásaš áŋgirruššamis man ulbmil lea ahte buot oahppit Romssas ožžot vuođđomáhttu sámi dilálašvuođaid birra. Álgojagis leat golbma joatkkaskuvlla leamaš dehálaš arenat geahččalan dihtii málliid ja fágalaš čađahemiid mat gullet dan váldoulbmiliid ahte buot oahppit galget oahppat sámi kultuvrra birra.
Prošeaktskuvllat leat:
* Vuotnasiida jtk
* Skániid jtk
* Ráissa jtk
Buot oahppit buot Romssa joatkkaskuvllain sáhttet válljet sámi kulturmáhttu válljenfágain ja oažžut gelddolaš heivehuvvon fáttá mas lea neahttaoahpahus ja oahppičoagganeamit. Lea deaddiluvvon gihpa man namma lea Manne válljet válljenfága?
Fága čalmmostahttá oahppiide vuđolaččat sámi kultuvrra ja servodaga birra. Geavvá gelddolaš skuvlaovddidanbargu dán oktavuođas, mas oahppit bures ávkkástallet.
Leat birrasiid 40 oahppi čielga sámi kulturfágas dán jagi, mii lea 50 % lassáneapmi ovddit jagi ektui. Viidáset ožžot 120 oahppi oahpahusa sámegielas. Válljenfága ja oahpposuorgefága fálaldat sámi kulturmáhttus maiddái fállojuvvo Romssa skuvllain skuvlajagis 05/06.
Gelbbolašvuođalokten
16 oahpaheaddji leat čađahan áššái guoski viidásetoahpu universitehta dásis, ja ovdal go skuvlajahki lea nohkan leat sullii 80 fágaoahpheaddji čađahan fágagullevaš maŋŋeloahpu suorggis.