Guovllu sámi suopman lea máddeleamos davvisámegiela suopman. Hálddašanguvlui boahtin mearkkašivččii dan ahte sámegiella eanet suodjaluvvošii, ovdánahttojuvvošii ja ovddiduvvošii, maiddái guovllu sámi suopman.
Ráđđehus lea reviderejuvvon stáhtabušeahtas evttohan 1 miljon ru oažžun dihte Loabága sámegiela hálddašanguvlui.
- Sávvat ahte hálddašanguovllu viiddideapmi livččii mielde doarjumin ja nannemin barggu sámi giela ja kultuvrra sihkkarastima oktavuođas guovllus, dadjá Balto loahpas.
Loabága suohkan lea riddo/siseanangielda Sis Mátta Romssas gos leat sullii 1000 ássi. Árat dan jagis oaččui gielda sámi giellaguovddáža. Gielddas lea leamaš sámepolitihkalaš lávdegoddi jagi 2007 rájes, mii dál lea váldolávdegoddi.
Ovddežis leat čuovvovaš gielddat mielde sámelága giellanjuolggadusaid hálddašanguovllus:
Guovdageaidnu, Kárášjohka, Deatnu, Unjárga, Porsáŋgu Finnmárkkus, Gáivuotna Romssas, Divttasvuotna Norlánddas ja Snoasa Davvi-Trøndelágas.