Elgå skuvla oaččui 450 000 ru. Giellaovdánahttinprošektii Sámeálbmotfoandda bokte. Prošeavttas áigot ovddidit servodatfága tearpmaid ja ráhkadit álkes digitála oahpponeavvu servodatfágas. Tearpmat ja oahpponeavvu heivehuvvojit digitála fiilan ja interneahttafiilan, ja almmuhuvvojit lullisámi guovllu oahpaheddjiide. Prošeavtta olahusjoavku leat vuosttažettiin oahppit geain lea lullisámegiella vuosttašgiellan, 5.-7. ceahkis, ja oahppit geain lea lullisámegiella fágan. Heive maiddái oahpaheddjiide geat oahpahit lullisámegielas, sihke vuođđo- ja joatkkaskuvllas. Tearbmaovdánahttinprošeavtta bokte sáhttet sii hukset doabavuođu maid buohkat besset geavahit. Go prošeavtta "buktagat" galget leat olámuttus neahtas rabas geavaheapmái, de lea giellabarggus ávki olu eará surggiin go skuvllas, ja lea olles lullisámi álbmot beassá ávkkástallat das.
Juolluduvvo maiddái doarjja SEG:i, Deanu gielddas, 150 000 ru. Prošeavttas galget jorgalit tearpmaid ráŋggáštusproseassa ja duopmostuollolága birra sámegillii. Prošeavtta ulbmil lea váikkuhit riektesihkkarvuođa nannema sámi álbmogii sámi riektegiela buori ovdánahttima bokte. Prošeavttas galget earret eará ovdánahttit juridihkalaš tearpmaid davvisámegillii ja sihkarastit kvalitehta departemeantta jorgalusain lágain ja láhkaásahusain. Tearpmat maid fágajoavku evttoha sáddejuvvojit Sámi giellalávdegoddái loahpalaš dohkkeheapmái. Prošeavttas plánejuvvojit guokte seminára sámegiela birra riektegiellan.
Ovddit jagiin lea juolluduvvon 150 000 ru prošeavtta vuosttáš oassái.
Giellaprošeavttat sámegiela hálddašanguovllus
2009:s lea juolluduvvon 3 011 000 ru giellaprošeavttaide sámegiela hálddašanguovllus. Oktiibuot bohte sisa 21 ohcama, ja 19 ožžo doarjaga. Daid gaskkas ledje earret eará 3 tearbmaprošeavtta, 2 lullisámi prošeavtta ja 1 julevsámi prošeakta.
Vuoruheamit 2009:s:
•· Prošeavttat mat movttiidahttet sámegiela geavaheami duhkoraddangiellan
•· Prošeavttat mat nannejit sámegiela geavaheami gulahallangiellan skuvlaastoáiggeortnegis
•· Prošeavttat mat nannejit sámegiela geavaheami gulahallangiellan joavkkuin ja servviin
•· Prošeavttat mat movttiidahttet sámegiela geavaheami juohkebeaivválaš eallimis
•· Prošeavttat mat ovddidit sámegielageavaheami eanet ja ođđa giellaarenain
•· Prošeavttat mat váikkuhit sámegiela ealáskahttimii guovlluin gos sámegiella lea heajos dilis
•· Gielladikšundoaimmat mat nannejit sámegiela guovlluin gos sámegiella geavahuvvo beaivválaččat
•· Oktasašprošeavttat sámi - kveana báikenamaid čohkkema ja duođašteami várás Porsáŋggu gielddas
Giellaprošeavttat olggobealde sámegiela hálddašanguovllu
2009:s lea juolluduvvon 2 854 000 ru giellaprošeavttaide olggobealde sámegiela hálddašanguovllu. Oktiibuot bohte sisa 23 ohcama, ja 19 ožžo doarjaga. Daid gaskkas ledje earret eará 5 lullisámi prošeavtta.
Vuoruheamit 2009:s:
•· Prošeavttat mat movttiidahttet sámegiela geavaheami duhkoraddangiellan
•· Prošeavttat mat nannejit sámegiela geavaheami gulahallangiellan skuvlaastoáiggeortnegis
•· Prošeavttat mat nannejit sámegiela geavaheami gulahallangiellan joavkkuin ja servviin
•· Prošeavttat main lea ulbmilin nannet giellafievrrideami buolvvaid gaskkas
•· Prošeavttat mat movttiidahttet sámegiela geavaheami juohkebeaivválaš eallimis
•· Prošeavttat mat ovddidit sámegielgeavaheami eanet ja ođđa giellaarenain
•· Gielladikšundoaimmat mat nannejit sámegiela guovlluin gos sámegiella geavahuvvo beaivválaččat
•· Báikenammaprošeavttat Helgelánddas Nordlándda fylkkas
•· Báikenammaprošeavttat Davvi-Trøndelaga fylkkas
•· Báikenammaprošeavttat Lulli-Trøndelaga ja Hedemárkku fylkkain
•· Oktasašprošeavttat sámi-kveana báikenamaid čohkkemii ja duođašteapmái Omasvuona suohkanis
Giellaovddideapmi - Sámeálbmotfoanda
Sámeálbmotfoanda juolludii 4 528 000 ru. giellaovddideapmái 2009:s. Oktiibuot bohte sisa 19 ohcama, ja 16 ožžo doarjaga. Daid gaskkas ledje earret eará 2 leairaskuvlaprošeavtta, 3 lullisámi giellaprošeavtta ja 4 báikenammaprošeavtta.
Vuoruheamit 2009:s:
•· Leairaskuvla sámegillii, movttiidahttit sámegiela geavaheami ja oainnusmahttit sámi kultuvrra girjáivuođa
•· Giellalávgunprošeavttat mánáide, nuoraide ja rávesolbmuide
•· Sámi tearpmaid ovddideapmi (fágaterminologiija ja fágadoahpagat):
Julev- ja máttasámegiella: servodatfágatearpmat Davvisámegiella: luonddufágatearpmat
•· Báikenammaprošeavttat julev- ja davvisámi guovlluin
•· Giellaealáskuhttinprošeavttat
Obbalaš listtu buot juolludemiide almmuhuvvo maŋŋel.