Sámedikkis lea rabas bistevaš virgi vuosttaškonsuleantan/ ráđđeaddin, álgin farggamusat. Bargobáiki vuosttažettiin Snoasas.
Virggi váldobargu lea politihkkaovddideapmi sámegielsuorggis ja terminologiija- ja báikenammasuorggis, earenoamážit lullisámegielas. Virgái sáhttet maiddái biddjot eará barggut mat gullet Sámedikki doibmii.
Virgái háliidit vuosttažettiin olbmo geas lea alit oahppu allaskuvllas/universitehtas master-/váldofágadásis lullisámegielas, ja muđui buorre giellagelbbolašvuohta. Vásáhusat almmolaš hálddahusas ja gelbbolašvuohta sámi servodatdilis ja sámegielas deattuhuvvojit. Lassin deattuhuvvojit buorit fágalaš gelbbolašvuođat, ovttasbargo- ja gulahallannávccat, cálalaš ovdanbuktinnávccat, návccat bargat iešheanalaččat ja ulbmillaččat ja bálvalusdáhttu.
Virgi lea biddjon virgekodii 1408 vuosttaškonsuleanta dahje 1434 ráđđeaddi. Earenoamáš oahppan ohccit sáhttet biddjot virgekodii 1364 Seniorráđđeaddi.
Lagat dieđuid virggi birra addet ossodatdirektevra Julie Eira, vuolitdirektevra Lennart Mikkelsen, dahje vuolitdirektevra Inga Margrethe Eira Bjørn, tlf. 78 47 40 00.
Sámedikki hálddahus galgá nu bures go vejolaš speadjalastit álbmoga girjáivuođa. Bargiidpolitihkalaš ulbmilin lea juksat dássedis čoahkádusa agi ja sohkebeliid dáfus, ja rekrutteret olbmuid geain lea unnitlogu- ja álgoálbmotduogáš.
Sámediggi lea šiehtadan Čáhkkilis bargodili, dg. Inkluderende Arbeidsliv (IA), ja deattuha bargodiliid láhčima juohke bargái.
Buohkain geat ásset Finnmárkkus ja Davvi-Romssas lea vejolašvuohta oažžut oaniduvvot oahppoloana Stáhta loatnakássas 10 proseanttain jahkái gitta 25 000 ru rádjai, sii ožžot maiddái sierra vearrogessosa ja lassi mánáidoaju. Dát gustojit dassážiigo Stuorradiggi rievdada dáid ortnegiid.
Sámedikki bargiin lea máškidis bargoáigi. Ohccit geat eai hálddaš sámegiela go biddjojuvvojit virgái, sáhttet ovttasráđiid bargoaddiin geatnegahttojuvvot váldit oahpu sámegielas.
Muđui virgáduvvojit bargit gustojeaddji lágaid, njuolggadusaid ja šiehtadusaid vuođul, dás maiddái bálká ja penšuvdna, ja 6 mánu geahččalanáigi. Bálkkás gessojuvvo 2 % Stáhta penšuvdnakássii.
Ohcanáigemearri: 01.07.2009
Ohcan virgái sáddejuvvo min digitála ohcanguovddážii:
http://min.e-kommune.no/Sametinget.
Mii bivdit ohcciid almmuhit virggi referánsanummira: 09/2786.
Duođaštuvvon skuvla- ja bargoduođaštusaid máŋgosat biddjojuvvojit mielddusin dahje sáddejuvvojit bábirveršuvdnan: Sámediggi - Sametinget, Ávjovárgeaidnu 50, 9730 Kárášjohka/Karasjok