Rievdadusaid oktavuođas doallá Sámediggi čoahkkima gielddaiguin ja fylkkagielddaiguin. Čoahkkimis sáhttet gielddat ja fylkkagielddat ovdanbuktit oainnuset, ja čujuhit mii lea dehálaš vuhtiiváldit go eavttut rievdaduvvojit. Vuođđun dása lea evaluerenraporta gielddaid ja fylkkagielddaid guovttegielalašvuođadoarjagiid geavaheami birra. Raportta lea Finnut Consult fitnodat dahkan Sámedikki ovddas. Váldoulbmilin evalueremiin lei ahte Sámediggi galggai kártet mo gielddat ja fylkkagielddat geavahit doarjaga, ja mii lea doaibman ja mii ii leat doaibman ulbmiliid ektui.
Proseassa ovddasguvlui lea nu ahte Sámediggi bovde gielddaid ja fylkkagielddaid čoahkkimii, vai besset ovdanbuktit oaiviliid mat galget leat vuođđun gulaskuddamii. Gulaskuddan galgá leat gárvvis borgemánu loahpas. Evttohusat rievdadusaide galget gieđahallot skábmamánu dievasčoahkkimis 2009:is. Ođđa eavttut geavahuvvojit 2010 rájes.