Váilivuođaid geažil minerálalágas álbmotrievtti njuolggadusaid mielde álgoálbmogiidda ja unnitlohkui háliida Sámediggi veardádallat ásahit iežas njuolggadusaid minerálageavaheapmái maidda stáhta oaivvilda oamastanvuoigatvuođa. Njuolggadusat galget láhčit dili dasa ahte sámi kultuvrra beroštumit, ealáhusovdáneapmi ja servodateallin vuhtiiváldojuvvojit go guorahallet ja bohket minerálaresurssaid. Njuolggadusat galget leat aiddolaš lassin mearrádusaide mat čuvvot minerálalága ja eará gustojeaddji lágaid. Njuolggadusat geahččalit olahit:
- Šiehtadallanvuogádaga gaskkal Sámedikki, guoskevaš sámi beroštumiid/ báikkálaš servodaga ja minerálagávpelágádusaid
- Dahkat šiehtadusaid maŋŋil šiehtadallamiid guorahallamiidda ja bohkamiidda eavttuid mat doahttalit sámi beroštumiid
- Šiehtadusas galget leat eavttut ekonomalaš buhtadussii
- Ahte ráhkaduvvojit njuolggadusat dasa movt ekonomalaš buhtadus galgá disponerejuvvot
Gulaskuddama áigemearri lea juovlamánu 1. b. 2009.
Gulaskuddanreivve ja njuolggadusat leat liŋkka vuolde.