Bondevik-ráđđehus ovddidii cuoŋománu 4. b. 2003 odeldikki proposišuvnna (Od. prp. nr. 53) Láhka eana- ja luondduresurssaid riektediliid ja hálddašeami birra Finnmarkku fylkkas (finnmárkkuláhka) Stuorradikki Justislávdegoddái.
Ráđđádallamat
Ráđđehusa láhkaevttohus hirpmástuhtii dalle hui sakka Sámedikki, ja dat oaivvildii ahte evttohus ii dávistan álbmotriektái mii mudde eamiálbmotvuoigatvuođaid. Earret eará čuoččuha Sámediggi ahte ráđđádallangáibádus mii lea ILO-konvenšuvnnas nr. 167 eamiálbmotvuoigatvuođaid birra ii leat ollašuhttojuvvon.
Stuorradikki Justislávdegoddi mearridii ráđđádallagoahtit Sámedikkiin ja Finnmárkku fylkkadikkiin 2004:s. Vuosttaš ráđđádallan lei Deanus njukčamánu 29. b. 2004. Dan rájes leat leamaš vel golbma ráđđádallama.
Sámedikki árvalusat
Dás vuolábealde gávnnat liŋkka Stuorradikki justislávdegotti loahpalaš árvalusa Stuorradiggái riektediliid birra Finnmárkkus. Don gávnnat maid liŋkkaid daid árvalusaide mat leat boahtán Sámedikkis.