- Sámediggi galgá šiehtadusa bokte Davvi Girjjiin juohkit nuvttá sámi oahpponeavvuid mánáidgárddiide ja skuvllaide ovdal skuvlaálgima čakčat. Heajos suohkanekonomiija ii galgga šat mihkkege ákkaid ahte mánát ja nuorat eai oaččose oahpponeavvuid ja čáppagirjjálašvuođa. Leat olu hástálusat čadnon sámi oahpponeavvuide, muhto lea stuorra lávki ovddosguvlui ahte leat sihkarastán eanemus oasi oahppoveavvuin šaddet nuvttá mánáide ja nuoraide. Olu dáin oahpponeavvuid leat heivehuvvon Máhttoloktemii. Deattuhit maiddái ovddosguvlui barggumet buvttademiin ja válbmen ođđa oahpponeavvuid Máhttoloktemii, lohká ráđđelahttu Jørn Are Gaski.
Šiehtadus guoská maid Máhttoloktemii
Šiehtadus guoská 307 tihttela ja sullii 100 000 girjji:
- Oahpponeavvut ja čáppagirjjálašvuođa buvttaduvvon čakčii 2008:is mánáidgárdiide ja vuođđoskuvlii, 245 tihttela (heivevuvvon L97S, Máhttoloktemii ja čáppagirjjálašvuohta) - nuvttá
- Oahpponeavvut buvttaduvvon 2008 čavčča rájes, 16 tihtela (heivehuvvon Máhttoloktemii) - nuvttá
- Oappneavvut buvttadeamis, 46 tihttelta (heivehuvvon Máhttoloktemii) - nuvttá
Davvi Girji sádde oahpponeavvuid skuvllaide ja mánáidgárddiide
Skuvllat ja mánáidgárddit sáhttet diŋgot oahppneavvuid ja čáppagirjjálašvuođa Davvi Girjjis ovdal skuvlaálgima čakčat go listtut almmuhuvvojit nehtii. Vuostáváldi máksá hálddahuslaš divada ja sáddema.