Sámediggi almmuhii miessemánu gaskkamuttus 2009 jienastuslogukampánja mii galggai dahkat olbmuide almmusin
- Ahte lea sámediggeválga
- Ahte ferte leat čálihuvvon Sámedikki jienastuslohkui jus galgá beassat jienastit ja
- Ahte dieđihanáigemearri dieđihit iežas jienastuslohkui lea geassemánu 30 b.
Leat ráhkaduvvon gihppagat juohke govvii. Dieđut Sámediggeválgga birra leat addojuvvon earret eará aviissaid bokte.
Govain leat geavahuvvon olbmot geain leat iešguđetlágan gávttit miehtá riikka ja mat leat dilliin gos dábálaččat ii geavahuvvo gákti. Dát galgá boktit olbmuid beroštumi.
Čuoládagat maid sámediggi geavaha jienastuslogukampánjas
Čuoládagat leat čavga čadnojuvvon govaid dolkomii ja leat stoagus sániiguin. Sii geat leat guovttegielagat ožžot mielde olles gova, muhto čuoládagat doibmet maid bures iešheanalaččat.
Duottargovvii:
Vi staker ut vår fremtid (dárogillii)
Mii dihkkádit boahtteáigámet (davvisámegillii)
Nållip iehtjama boahtteájgev (julevsámegillii)
Mijjen båetije biejjiem evtiedibie (lullisámegillii)
- Dárogielat čuoládat govvida nissonolbmo gova duogábealde guhte geavaha luistensabehiid.
- Sámegielat čuoládat govvida dievdoolbmo gii ovddabealde dihkkáda máđii.
- Seammás govvideaba goappešat veršuvnnat juoidá Sámedikki birra: Parlameanta mii bargá servodatovdánahttimiin (boahtteáiggiin).
Gizzungovvii:
Vi sikrer vår fremtid (dárogillii)
Mii dáhkidat boahtteáigámet (davvisámegillii)
Bærrájgæhttjap iehtjama boahtteájgev (julevsámegillij)
Mijjen båetije biejjiem gorredibie (lullisámegillii)
- Dárogielat čuoládat muitala njuolga gova dáhpáhusa birra, guokte olbmo geat sihkkarastiba guokte eará olbmo sihkkarastinbáttiiguin.
- Sámegillii lea sihkkarastin eanet abstrákta suddjema mearkkašumis. Goappešat veršuvnnat mearkkašeaba ahte Sámediggi lea mielde sihkkarastime sámi boahtteáiggi.
Huksenbáikegovvii:
Vi bygger vår fremtid (dárogillii)
Mii duddjot boahtteáigámet (davvisámegillii)
Åvdedip iehtjama boahtteájgev (julevsámegillij)
Mijjen båetije biejjiem vytnesjibie (lullisámegillii)
- Dárogielat čuoládat govvida huksenbáikki (birrasa).
- Sámegielat čuoládat govvida nissonolbmo barggu mii lea dološ árbevirolaš giehtaduodji. Buot diŋggat dán govas leat diŋggat mat duođas gávdnojit huksenbáikkis, maiddái dat man nalde nissonolmmoš čohkká. Lea dušše son ieš ja dat maid son bargá mat eaba dábálaččat gula dákkár huksenbáikái.
- Govva galgá govvidit movt Sámediggi lea mielde suddjeme sámi árbevieruid ođđaáigásaš servodagas ja seammás addit saji sámi kultuvrra ovdánahttimii.