- Vaikke vel lea ge guhká dassážiigo šaddá áigeguovdilin ávkkástallat biegga- ja bárrofámuin sámi riddoguovlluin ábis, de lean hui duhtavaš go láhka láhčá dasa ahte deasta sámi kultuvrii galgá deattuhuvvot dakkár huksemiid areála- ja konsešuvdnaohcamiid oktavuođas, Vibeke Larsen
Sámediggi ja Oljo- ja energiijadepartemeanta leat konsulteren ođđa lága birra geassemánus. Sámediggeráđđi dagai mearrádusa Áššis R 100/09 mas mieđihuvvui mearraenergiijaláhkaevttohussii.
- Konsultašuvdnaproseassa Oljo- ja energiijadepartemeanttain lea čađahuvvon johtilit, muhto bures. Dát ášši čájeha ahte go lea dáhttu, de lea vejolaš gávdnat dakkár čovdosiid resursalágaid oktavuođas, mat fuolahit stáhta álbmotrievttálaš geatnegasvuođaid sápmelaččaide, loahpaha Larsen