Sámediggi almmuha bistevaš virggi vuosttaškonsuleantan/ráđđeaddin mas lea álgin farggamusat. Bargobáiki lea Kárášjogas.
Virggi váldobarggut leat ráhkkanahttit ja čađahit Sámedikki lávdegodde- ja divasčoahkkimiid, hálddašit Sámedikki áirasiid ja politihkalaš joavkkuid njuolggadusaid, ja sámediggeválggat ja Sámedikki jienastuslohku. Virgái sáhttet maiddái biddjot eará barggut mat gullet Sámedikki doibmii.
Virgái ohcat olbmo geas lea unnimusat 3 jagi relevánta oahppu allaskuvllas dahje universitehtas, áinnas almmolaš hálddašeami fágain. Sus fertejit leat buorit njálmmálaš ja čálalaš ovdanbuktinnávccat. Relevánta vásáhusat almmolaš hálddahusas, gelbbolašvuohta politihkas ja politihkalaš mearridanproseassain, ja gelbbolašvuohta sámi servodatdiliin ja sámegielas deattuhuvvojit. Buorit ovttasbargo- ja gulahallannávccat, bálvalusdáhttu ja návccat bargat iešheanalaččat ja ulbmillaččat leat dehálaččat virgái.
Virgi biddjo virgekodii 1408 Vuosttaškonsuleanta dahje 1434 Ráđđeaddi.
Sámedikki hálddahus galgá nu bures go vejolaš speadjalastit álbmoga girjáivuođa. Bargiidpolitihkalaš ulbmilin lea juksat dássedis čoahkádusa agi ja sohkabeliid dáfus, ja rekrutteret olbmuid geain lea unnitlogu- ja álgoálbmotduogáš.
Sámediggi lea šiehtadan Čáhkkilis bargodili, dg. Inkluderende Arbeidsliv (IA), ja deattuha bargodiliid láhčima juohke bargái.
Buohkain geat ásset Finnmárkkus ja Davvi-Romssas lea vejolašvuohta oažžut oaniduvvot oahppoloana Stáhta loatnakássas 10 proseanttain jahkái gitta 25 000 ru rádjai, sii ožžot maiddái sierra vearrogessosa ja lassi mánáidoaju. Dát gustojit dassážiigo Stuorradiggi rievdada dáid ortnegiid.
Sámedikki bargiin lea máškidis bargoáigi. Ohccit geat eai hálddaš sámegiela go biddjojuvvojit virgái, sáhttet ovttasráđiid bargoaddiin geatnegahttojuvvot váldit oahpu sámegielas.
Muđui virgáduvvojit bargit gustojeaddji lágaid, njuolggadusaid ja šiehtadusaid vuođul, dás maiddái bálká ja penšuvdna, ja 6 mánu geahččalanáigi. Bálkkás gessojuvvo 2 % Stáhta penšuvdnakássii.
Lagat dieđuid virggi birra addet Dievasčoahkkinbargoveaga jođiheaddji Randi Romsdal Balto, tel 78 47 41 53 /mobiila 41 54 07 05. Oktavuođaváldimat eai boađe albmosii.
Ohcanáigemearri: 28.08.09
Virgeohcan sáddejuvvo min digitála ohcanguovddážii:
http://min.e-kommune.no/Sametinget.
Mii bivdit ohcciid almmuhit virggi referánsanummira: 09/3030.
Duođaštuvvon skuvla- ja bargoduođaštusaid máŋgosat biddjojuvvojit mielddusin dahje sáddejuvvojit bábirveršuvdnan: Sámediggi - Sametinget, Ávjovárgeaidnu 50, 9730 Kárášjohka/Karasjok