Sámedikki hálddahus lea ásahan ođđa ossodaga man ovddasvástádussuorgi lea Sámedikki gulahallan ja diehtojuohkin. Dan oktavuođas ohcat mii dál
Gulahallanráđđeaddi
geas lea earenoamáš gelbbolašvuohta ja beroštupmi ođđa mediai. Gulahallanráđđeaddi bargun lea doaibmat media ja servodaga oktavuođaolmmožin, plánet ja buvttadit digitála ja árbevirolaš mediaid, heahtediehtojuohkin, diehtojuohkinráđđeaddin ja veahkkin.
Virgái háliidit olbmo geas lea unnimusat 3 jagi guoskevaš alit oahppu universitehtas dahje allaskuvllas ja guoskevaš bargoduogáš. Ohccis ferte leat diehtu sámi servodagas ja máhtolašvuohta politihka ja mearridanproseassaid birra. Lassin deattuhit buriid ovttasbargo- ja gulahallannávccaid. Son gii biddjo virgái ferte hálddašit davviriikkalaš giela, sámegiela ja eŋgelasgiela.
Bargosadji: Okta Sámedikki kántorbáikkiin.
Virgi lea biddjon virgekodii 1434 ráđđeaddi dahje 1364 seniorráđđeaddi. Álgin farggamusat.
Sámedikki hálddahus galgá nu bures go vejolaš speadjalastit álbmoga girjáivuođa. Bargiidpolitihkalaš ulbmilin lea juksat dássedis čoahkádusa agi ja sohkabeliid dáfus, ja rekrutteret olbmuid geain lea unnitlogu- ja álgoálbmotduogáš.
Sámediggi lea šiehtadan Čáhkkilis bargodili, dg. Inkluderende Arbeidsliv (IA), ja deattuha bargodiliid láhčima juohke bargái.
Buohkain geat ásset Finnmárkkus ja Davvi-Romssas lea vejolašvuohta oažžut oaniduvvot oahppoloana Stáhta loatnakássas 10 proseanttain jahkái gitta 25 000 ru rádjai, sii ožžot maiddái sierra vearrogessosa ja lassi mánáidoaju. Dát gustojit dassážiigo Stuorradiggi rievdada dáid ortnegiid.
Sámedikki bargiin lea máškidis bargoáigi. Ohccit geat eai hálddaš sámegiela go biddjojuvvojit virgái, sáhttet ovttasráđiid bargoaddiin geatnegahttojuvvot váldit oahpu sámegielas.
Muđui virgáduvvojit bargit gustojeaddji lágaid, njuolggadusaid ja šiehtadusaid vuođul, dás maiddái bálká ja penšuvdna, ja 6 mánu geahččalanáigi. Bálkkás gessojuvvo 2 % Stáhta penšuvdnakássii.
Eambbo dieđuid virggi birra oaččut Sámedikki ossodatdirektevrras Jan Roger Østby, tlf 78 47 41 42 / 48 14 46 96.
Ohcanáigemearri: 28.08.2009
Virgeohcan sáddejuvvo min digitála ohcanguovddážii:
http://min.e-kommune.no/Sametinget.
Mii bivdit ohcciid almmuhit virggi referánsanummira: 09/1629. Duođaštuvvon skuvla- ja bargoduođaštusaid máŋgosat biddjojuvvojit mielddusin dahje sáddejuvvojit bábirveršuvdnan: Sámediggi - Sametinget, Ávjovárgeaidnu 50, 9730 Kárášjohka/Karasjok