Sámedikkis lea rabas bistevaš virgi čállin/konsuleantan, bargobáiki Kárášjogas.
Virgái gullet vuosttažettiin arkiivafágalaš barggut nu go earret eará poasttaid beaivválaš journálaregistreren, čuovvolit gustovaš njuolggadusaid mat gullet arkiivii, elektrovnnalaš áššemeannudeapmái ja arkiivavuogádagaide.
Sámedikki barggut leat organiserejuvvon čumppiide ja stuora oassi hálddahusa bargiin leat guovtti čumppes. Son gii biddjo virgái sáhttá maid šaddat bargat vuostáiváldin- ja telefonguovddášbálvalusain, siskkáldas bagadallamiin, ja lágidit ja doaibmat čállingoddeveahkkin čoahkkimiid oktavuođas. Álkes áššemeannudeapmi sáhttá maid leat oassin ovddasvástádussuorggis.
Mii ohcat mielbargi gii lea čađahan ja ceavzán 3-jagi joatkkaoahpu/fágareivve. Vásáhusat elektrovnnalaš arkiivvain ja máhtolašvuohta arkiivabarggu birra deattuhuvvojit. Buorre ja relevánta bargohárjáneapmi sáhttá muhtun muddui biddjot oahppogáibádusa sadjái. Oahpu ja relevánta bargohárjáneami lassin deattuhuvvojit virgáibidjamis buorre gelbbolašvuohta sámegielas, ovttasbargo- ja gulahallannávccat ja bálvalusdáhttu earenoamážit.
Virgi lea biddjon virgekodii 1070 čálli dahje virgekodii 1065 konsuleanta.
Sámedikki hálddahus galgá nu bures go vejolaš speadjalastit álbmoga girjáivuođa. Bargiidpolitihkalaš ulbmilin lea juksat dássedis čoahkádusa agi ja sohkabeliid dáfus, ja rekrutteret olbmuid geain lea unnitlogu- ja álgoálbmotduogáš.
Sámediggi lea šiehtadan Čáhkkilis bargodili, dg. Inkluderende Arbeidsliv (IA), ja deattuha bargodiliid láhčima juohke bargái.
Buohkain geat ásset Finnmárkkus ja Davvi-Romssas lea vejolašvuohta oažžut oaniduvvot oahppoloana Stáhta loatnakássas 10 proseanttain jahkái gitta 25 000 ru rádjai, sii ožžot maiddái sierra vearrogessosa ja lassi mánáidoaju. Dát gustojit dassážiigo Stuorradiggi rievdada dáid ortnegiid.
Sámedikki bargiin lea máškidis bargoáigi. Ohccit geat eai hálddaš sámegiela go biddjojuvvojit virgái, sáhttet ovttasráđiid bargoaddiin geatnegahttojuvvot váldit oahpu sámegielas.
Muđui virgáduvvojit bargit gustojeaddji lágaid, njuolggadusaid ja šiehtadusaid vuođul, dás maiddái bálká ja penšuvdna, ja 6 mánu geahččalanáigi. Bálkkás gessojuvvo 2 % Stáhta penšuvdnakássii.
Lagat dieđuid virggiid birra addet ossodathoavda Tommy Somby, vuolitdirektevra Berit Karen Paulsen dahje vuolitdirektevra Johan Anders Klemetsen, tel. (47) 78 47 40 00.
Ohcanáigemearri: 28.08.09
Virgeohcan sáddejuvvo min digitála ohcanguovddážii:
http://min.e-kommune.no/Sametinget.
Mii bivdit ohcciid almmuhit virggi referánsanummira: 08/5017. Duođaštuvvon skuvla- ja bargoduođaštusaid máŋgosat biddjojuvvojit mielddusin dahje sáddejuvvojit bábirveršuvdnan: Sámediggi - Sametinget, Ávjovárgeaidnu 50, 9730 Kárášjohka/Karasjok