Guossit galget beassat muosáhit árbevirolaš sámi kultuvrra. Sii bohtet deike sápmelaččain oahppat eanet álgoálbmogiid birra.
- Dát lea Sámediggái áidnalunddot vejolašvuohta gulahallat Vilges viesuin njuolgga, dadjá Egil Olli. Dákkár galledeapmi addá buori doaivaga Amerihká Ovttastuvvan Stáhtaid álgoálbmotpolitihka hárrái.
Sámedikki presideanta ja váldoráđđeaddi Bader áiguba earret eará ságastallat árktalaš guovlluid birrasa birra. Gussiide guossohuvvo mihtilmas sámi biebmu. Sii besset gullat geat dat leat sápmelaččat ja sámi historjjá, Sámedikki ja álgoálbmotovttasbarggu birra. Sii galledit maiddái NRK Sámiradio vai oahpásmuvvet sámi mediaide ja eanet álgoálbmotovttasbargui.
Pressii lea várrejuvvon áigi dii. 16.50-17.00 NRK Sámi radios. Preassa maid beassá leat mielde go oahpásmahttit Sámedikki dii. 14.55 rájes vai sii besset govvidit gussiid.