-Mun lean hui ilus go sii váldet vuosttá sámeleavgga go dat han čájeha ahte sidjiide lea lunddolaš čájehit sápmelašvuođa buriin mielain ja maid ahte leat rápmát sámeduogašin, dadjá Olli.
TIL supportar ja Isberg nammasaš supporterjoavkku jođiheaddji Jørgen M. Storvig illosii sakka go gullái skeaŋka birra.
- Dát lei máilmmi somá! Mii leimmet ge jurddašišgoahtán gos galgat háhkat alcceseamet leavggaid, dadjá Storvig. - Vuoi gáfat man vuogas, loahpaha Storvig.
- Valaštallan searvi lea ge leamaš buorre sámi ambassadøra, loahpaha Egil Olli.