- Lea dehálaš ahte mánná juo unnin hárjána ovttasbargat, háhkat alcces birrasa ja olmmáivuođa badjel riikkarájiid ja dahkat dán lunddolaš oassin iežas juohkebeaivválaš eallimis. Prošeakta lea mielde nanneme oktavuođa guovtti sámi gili gaskka, ja nu oažžu ávkki gelbbolašvuođas mii gávdno guovllus. Seammás viidáset fievrriduvvo árbevirolaš sámi máhttu mánáide ja nuoraide, lohká várrepresideanta Marianne Balto.
Leat skuvllat ja mánáidgárddit Ohcejoga ja Sirpmá giliin mat servet dán prošektii. Váldoohcci lea Ohcejoga gielda ja singuin searvá Deanu sámi giellaguovddáš. Prošeavtta ruhtadit Sámediggi, Bargo- ja searvadahttindepartemeanta, Deanu gielda, Deanu giellagáddi ja Interreg ruđaiguin.