SNPL háliida fokuseret oahpu. Leago dehálaš váldit oahpu maŋŋá joatkkaskuvlla? Makkár sámi ja álgoálbmot oahput gávdnojit? Makkár fálaldagaid háliidit nuorat ieža? Makkár bargovejolašvuođat leat go váldá sierra oahpuid? Makkár gelbbolašvuođadárbu lea Sámis ja mainna lágiin sáhttet sámi nuorat váikkuhit dan?
Mainna lágiin guoská ON mánáidkonvenšuvdna sámi mánáide ja nuoraide? Dan birra beassat maid gullat konferánssas.
Jos it dieđe makkár oahpu háliidivččet válljet, de lea dus dál erenoamáš vejolašvuohta oažžut inspirašuvnna ja jurdagiid, ja lonuhallat vásihusaid. Mii doaivut ahte DON searvvat ja buvttát oainnuidat sámi oahppogažaldagaide.
Joavkobargu ja ságastallan ovttas.
Konferánssas lea simultandulkon sámegiela ja dárogiela gaskka.
Áigi ja báiki
Konferánsa álgá bearjadaga golggotmánu 23. b. dii. 14.15 (lunša, registreren konferánsii ja hotellii Quality Hotel Augustin dii. 13.00 rájes). Bearjadat ja lávvardat eahkediid lea guoimmuheapmi. Konferánsa loahpahuvvo sotnabeaivvi golggotmánu 25. b. dii. 12.00, ja lunša lea dii. 11.15-12.00. Prográmma almmuhuvvo maŋŋá.
Háliidivččet go searvat?
Jos don leat gaskal 16 ja 28 jagi, de sáhtát leat okta sis geat besset konferánsii, muhto mii muittuhit ahte sajit leat unnán. Dieđiheapmi čuovvovaš liŋkka bokte: https://www.viaregi.com/registration/?dw1312a17283
Dieđihanáigemearri lea čakčamánu 15. b. 2009.
SNPL háliida čavga fuomášuhttit ahte konferánsa lágiduvvo gárrenávdnasiid haga.
Mátki
Sámediggi máksá hálbbimus mátki ja orruma ovddas (ovddemustá) duppallanjas sidjiide geat ožžot saji konferánssas. Mii ávžžuhit sin, geain lea vejolašvuohta geavahit ruvttobusse, toga dahje máŋggas ovttas vuodjit biillain. Busse- ja togabileahtaid ovddas máksojuvvo ja kilomehtermáksu máksojuvvo iežas biilla geavaheamis sáddejuvvon mátkerehkega vuođul. Geahča earret eará liŋkkaid vuolábealde main leat dieđut ruvttoáiggiid birra.
Eanet dieđuid konferánssa birra oaččut Sámedikki nuoraidpolitihkalaš lávdegottis; e-poasta: supu@samediggi.no dahje Sámedikkis tel.nr. 75 77 56 84.