Sámediggeráđi čoahkkimis Divttasvuonas borgemánu 18. ja 19. b. Ájluovttas dahkkojuvvui loahpalaš juolludusmearrádus.
-Lea deaŧalaš ahte prošeakta jotkojuvvo vai nana guovttegielalaš málle bisuhuvvo ja ovddiduvvo Elgå skuvllas, dadjá Gaski.
Ovttasbargoprošeakta Hedmárkku fylkkasuohkana, Norlándda fylkkamánni, Engerdala suohkana ja Sámedikki gaskka lea addán Elgå skuvlii vejolašvuođa joatkit máttasámegiela oahpahusain mánáidceahkis. Elgå mánáidskuvllas Engerdala suohkanis lea oahpahus guovtti gielas ja guovtti gillii. Oahppin leat mánát geain lea dárogiela ja máttasámegiela duogáš.
Sámediggi lea politihkastis deattuhan nannet sámegiela, ja erenoamážit máttasámegiela. Elgå skuvla lea okta dain skuvllain mat leat váldán ovddasvástádusa máttasámegiela oahpahusas.
- Mun lean ilus go Sámediggi lea beassan mielde ruhtadit prošeavtta. Dát addá máttasámegillii Engerdalenis čuovgadet boahtteáiggi. Boahtte lávkin lea kártet, plánet ja láhčit máttasámegiela vuosttaš giellaohppiide viidáset skuvlajođu nuoraidceahki ja joatkkaoahpahusa bokte, dadjá sámediggeráđđi Jørn Are Gaski loahpas.
Giellaprošeakta Elgåas lea bistán máŋga jagi, ja ruđaid dasa leat juolludan earret eará Bargo- ja searvadahttindepartemeanta, Sámediggi, fylkkasuohkan ja Engerdala suohkan. Giellaoahpahusa goziheapmái lea leamaš dárbu oažžut lasseruđaid organiseret oahpahusfálaldaga Elgå skuvllas.