Dálkkádatheivehanlávdegoddi doallá rabas konferánssa Álttás golggotmánu 1. beaivvi

Dálkkádatheivehanlávdegoddi maid Ráđđehus lea nammadan doallá rabas konferánssa Rica hoteallas Álttás duorastaga golggotmánu 1. beaivvi. Lávdegotti ámmát lea čielggadit servodaga hearkivuođa dálkkádatrievdamiidda, ja buktit evttohusaid doaibmabijuide ja váikkuhangaskaomiide vai nákce heivehit iežas rievdademiid váikkuhusaide. Lávdegoddi galgá geiget norgga almmolaš čielggadusa (NAČ) ovdal skábmamánu 1. b. 2010.

Konferánssas Álttás áigu lávdegoddi čájehit maid dutkan muitala vurdojuvvon ovdáneami birra dálkkádagain Finnmárkkus boahtte 50 ja 100 jagiid. Lávdegotti deháleamos ulbmil konferánssain lea oažžut mearkkašumiid ja oaiviliid dálkkádathearkivuođa birra sihke báikkálaš ja regionála aktevrrain. Oassálastin dán konferánsii lea nuvttá. Sáhttá dieđihit iežas mielde Finnmárkku fylkkamánni ruovttusiiddu čađa -   http://www.fylkesmannen.no/hoved.aspx?m=1870&amid=2813443

Dálkkádatheivehanlávdegotti ruovttusiiddus sáhtát lohkat eanet lávdegotti bargguid birra - http://nou-klimatilpassing.no/default.aspx