Sámedikkis lea rabas sadjásaš virgi áššemeannudeaddjin 31.10.10 rádjái, mii sáhttá guhkiduvvot. Álgin farggamusat. Bargobáikin lea vuosttažettiin Ájluovttas.
Sadjásašvirggi barggut leat hálddašit sámi kulturmuittuid áššemeannudeami bokte ja iešguđetlágan plána- ja areálaáššiid diđoštallat, ja ovddidit Sámedikki kulturpolitihka ja das deattuhit museaovdánahttima. Virgái sáhttet maiddái biddjot eará barggut mat gullet Sámedikki doibmii.
Virgái háliidit olbmo geas lea relevánta alit oahppu, ovddemusat master/-váldofágadásis ja áinnas arkeologiija/kulturmuitohálddašeamis, ja maiddái relevánta vásáhusat ja máhtolašvuohta digitála gieddereaidduid (GIS/GPS/PDA) geavaheamis. Gelbbolašvuohta sámi servodatdilis ja sámegielas deattuhuvvojit. Lassin deattuhuvvojit buorit fágalaš gelbbolašvuođat, ovttasbargo- ja gulahallannávccat, čálalaš ovdanbuktinnávccat, návccat bargat iešheanalaččat ja ulbmillaččat ja bálvalusdáhttu.
Virgi lea biddjon virgekodii 1408 vuosttaškonsuleanta dahje 1434 ráđđeaddi.
Lagat dieđuid virggi birra addet ossodatdirektevra Audhild Schanche dahje vuolitdirektevra Hege Fjellheim Sarre, tel. 78 47 40 00.
Sámedikki hálddahus galgá nu bures go vejolaš speadjalastit álbmoga girjáivuođa. Bargiidpolitihkalaš ulbmilin lea juksat dássedis čoahkádusa agi ja sohkabeliid dáfus, ja rekrutteret olbmuid geain lea unnitlogu- ja álgoálbmotduogáš.
Sámediggi lea šiehtadan Čáhkkilis bargodili, dg. Inkluderende Arbeidsliv (IA), ja deattuha bargodiliid láhčima juohke bargái.
Buohkain geat ásset Finnmárkkus ja Davvi-Romssas lea vejolašvuohta oažžut oaniduvvot oahppoloana Stáhta loatnakássas 10 proseanttain jahkái gitta 25 000 ru rádjai, sii ožžot maiddái sierra vearrogessosa ja lassi mánáidoaju. Dát gustojit dassážiigo Stuorradiggi rievdada dáid ortnegiid.
Sámedikki bargiin lea máškidis bargoáigi. Ohccit geat eai hálddaš sámegiela go biddjojuvvojit virgái, sáhttet ovttasráđiid bargoaddiin geatnegahttojuvvot váldit oahpu sámegielas.
Muđui virgáduvvojit bargit gustojeaddji lágaid, njuolggadusaid ja šiehtadusaid vuođul, dás maiddái bálká ja penšuvdna, ja 6 mánu geahččalanáigi. Bálkkás gessojuvvo 2 % Stáhta penšuvdnakássii.
Ođđa almmolašvuođalága vuođul sáhttet ohccidieđut almmuhuvvot vaikko ohcci lea bivdán ahte son ii galgga čállojuvvot ohcciidlistui.
Ohcanáigemearri: 16.10.2009
Virgeohcan sáddejuvvo min digitála ohcanguovddážii: http://e-skjema.no/sametingett.
Mii bivdit ohcciid almmuhit virggi referánsanummira: 09/4240.
Duođaštuvvon skuvla- ja bargoduođaštusaid máŋgosat biddjojuvvojit mielddusin dahje sáddejuvvojit bábirveršuvdnan: Sámediggi - Sametinget, Ávjovárgeaidnu 50, 9730 Kárášjohka/Karasjok