Dieđiheapmi:
Čálalaš dieđiheapmi sáddejuvvo čujuhussii info@samediggi.no
Čále fal buohkaid namaid geat háliidit searvat din redakšuvnnas, ja muitte sin e-poastačujuhusaid ja telefonnummiriid maid. Muitte fal dieđihit leago olmmoš journalista vai govvideaddji.
Buohkat fertejit dieđihit háliidit go borrat lunšša.
Fuomáš: Akkrediterenáigemearri lea 05.10.09 ovdal dii.12.00
Govvenbáikkit (foto-pool)
Govvideapmi soaitá ráddjejuvvot prográmma muhtun osiin. Mediat mat háliidit searvat govvenbáikkiide, fertejit dieđihit dan birra dieđiheami oktavuođas.
Sámedikki gulahallanossodat juohká govvenbáikkiid bearjadaga 09.10.09. Gulahallanossodat váldá oktavuođa buohkain geat besset govvenbáikkiide (foto-poolii) seamma beaivvi.
Govvenbáikki oažžuma eaktun lea ahte govvideaddjit main lea govvenbáiki addet govaid nuvttá eará mediaide mat eai leat ožžon govvenbáikkiid. Govat galget juogaduvvot dalán rahpama ja lunšša maŋŋá.
Geavatlaš dieđut:
• Lunša
Akkrediterejuvvon journalisttat besset boradit hotealla goađis golggotmánu 13. b. ovttas eará gussiiguin ja Sámedikki bargiiguin.
• Bargansajit
Sámediggeviesus eai leat nu ollu bargansajit pressii. Dat juogaduvvojit dainna lágiin ahte eanaš redakšuvnnat ožžot nu buriid go vejolaš barganeavttuid. Bargansajiid juohká Sámedikki diehtojuohkinovttadat. Kárášjoga Rica hotealla maid addá bargansajiid preassa geavahussii Sápmi párkkas.
Njuolggosátta
Dieđihuvvo ahte NRK Sámi Radios lea njuolggosátta rahpamis, sihke TV:s ja radios, golggotmánu 13. b.
Prográmma ja čoahkkinplána
Mii leat gárvvisteamen guđát Sámedikki rahpan- ja vuođđudanprográmma. Dalán go prográmma lea gárvvis, sáddejuvvo dat pressii ja almmuhuvvo min neahttasiidduin.
Maiddái preassa várás ráhkaduvvo sierra prográmma mii sáddejuvvo akkrediterejuvvon journalisttaide ja govvideddjiide.